點解我係地獄黑仔王?

By COSMO

地獄黑仔王, 不幸, 行衰運

人生有時難免會行衰運,呢個時候並非世界末日,反而係另一個開始。已發生嘅事無辦法返轉頭,但係你可以改變方向行另一條路。問吓自己:喺呢件事上我學到啲咩?有乜嘢係我必須接受,又有乜嘢我係能夠改變?記住要控制環境,而唔係俾個環境控制你呀!
 
事件1:被出賣-俾朋友篤背脊
人生好漫長,唔同階段會有唔同嘅朋友,而朋友嘅出賣行為,就代表大家已經緣盡。佢點解咁做並唔重要,你應該可憐佢而唔係自己屈埋唔開心。你唔需要從此唔再信人,反而應該更珍惜身邊真正嘅友誼。
 
事件2:被拒絕-公司 / 學校唔收你!
雖然佢哋將你拒諸門外,但唔等於佢哋有能力控制你嘅未來。你要更加努力,證明係佢哋無眼光。等你為事業造出一番成績後,回望過去,你會覺得前事不值一哂,自己亦沒有任何損失,仲可以笑住講:「我之前apply過xxx公司/xxx大學,佢哋無收我,哈。」
 

地獄黑仔王, 不幸, 行衰運
 
事件3:被飛-被心愛的人傷害
你咁愛佢,佢應該好好珍惜你先啱。如果佢唔識珍惜你,你又何必為佢而傷心?世界上唔止得佢一個男生,你應該為將來會遇到一個更愛你、更珍惜你嘅人而期待。你應該諗清楚你想要一段點嘅關係,並且尋找真正嘅Mr. Right,成為佢嘅Miss Perfect!
 
事件4:家庭破碎-父母決定離婚
父母都已經係成年人,相信佢哋決定分開都唔係一時衝動,如果事情真係要發生,你唯有接受,兼且以後要變得更成熟、獨立,唔好令人擔心。而且,佢哋分開可能真係對大家都比較好,你都唔想大家成日嗌交,愁眉苦臉。最重要嘅係,雖然佢哋唔再係夫妻,但佢哋依然係你爸爸媽媽,依然係咁愛你。
 
事件5:生離死別-親人、摯愛去世

生有時,死有時。親人離世就好似天塌下來嘅悲劇,雖然你再唔能夠見到佢,但換個角度睇,你哋能擁有一段咁親密的關係,已經係好大的福氣。以後當你開心、唔開心,仍然可以用佢哋一直以來給你的愛同教誨去鼓勵自己,你們的那份關係是沒有東西可以取代的。自己,你們的那份關係是沒有東西可以取代的。

LOAD MORE