裝人沖涼會生眼挑針?

By COSMO

如果生眼挑針,阿媽會話因為你睇咗「唔應該睇嘅嘢」。當然呢種講法並無醫學根據,其實眼挑針喺醫學上叫「麥粒腫」,係眼皮脂腺嘅急性化膿炎症,通常係因為受到葡萄球菌感染。

通常以下幾種情況下容易生眼挑針:

  1. 過度疲勞、情緒緊張,引致內分泌失調,皮脂腺排泄失衡。
  2. 皮脂腺分泌過盛,堵塞分泌出口。
  3. 用唔乾淨嘅手捽眼,導致急性發炎。

通常輕微嘅眼挑針在就醫後3至5日內就會痊癒。

另外,有一種發生喺眼皮嘅病症叫做「霰粒腫」,同眼挑針好類似,腺體會喺無痛情況下慢慢腫大,睇上去無發炎現象。如果霰粒腫體積細而且無發炎,係毋須治療的,通常幾個月後就會自動消失;但如果體積過大,影響視力,持續不退的話,就有可能要透過手術切除。

LOAD MORE