養寵物會健康啲?

By COSMO

好多人屋企都有養寵物,佢哋除咗會為你嘅生活增添樂趣外,亦有研究顯示,佢哋會對你嘅健康帶來好處!

減輕心臟病
有養寵物嘅心臟病患者,長期存活率比無養寵物嘅病患高,而且成日同寵物一齊做運動,身體狀況一般都會比較好,死於心臟病嘅機率都比較低。

降血壓
有研究顯示,同動物相處係會令血壓降低。

心理治療
另一半死後第一年,養貓嘅喪偶者身體健康狀況比無養貓嘅好;對於父母患重病或去世嘅小朋友,養寵物可以幫助佢適應環境;而患自閉症嘅小朋友有寵物陪伴,情況通常都可以得到改善;甚至有養寵物嘅愛滋病患者,感到沮喪或壓力嘅情況都會較少。

增進家庭關係
寵物能夠令家庭氣氛更加和諧,令主人減少孤獨感之餘,仲可以增加小朋友嘅自信心,提高佢哋喺運動、興趣等各方面的表現。

LOAD MORE