如何適當地做主動?

by Karen C.

「幸福係要自己爭取」呢句說話其實無錯,有時太被動的話,對方唔會知你鍾意佢!所以,當你遇上心儀的他,不妨適當地做主動,令對方感覺到你對佢有意思,話唔定會有「意外收穫」呢!

* 多send短訊同佢傾下偈,了解佢之餘,亦可以令佢了解你多啲。不過切忌佢未回覆時,你就不斷狂send「轟炸」佢!

* 耐唔耐讚吓佢,因為男生都喜歡被讚賞。

* 得閒就約吓佢出街,如果有共同興趣,就可以約佢一齊做,例如踩單車、影相等等。

* 如果佢病的話,不妨噓寒問暖。

* 當佢遇上挫折,俾多啲支持同鼓勵佢,令佢感受到你好關心佢。

CG! Reminds U:

* 喺做主動之前,先要確定對方係單身,而且佢並唔討厭你,甚至對你幾好。

* 做主動唔代表要飛擒大咬,唔好無啦啦翹住佢隻手或者攬佢,過分熱情的身體接觸好可能會嚇親佢!

 

LOAD MORE