編輯試用:暗瘡大作戰之由3-Steps做起!

by Karen C.

CosmoGIRL! Web Editor:Karen C.

由幾年前開始,我嘅皮膚越來越差,暗瘡問題係我最大的煩惱!因為啲暗瘡好似「死唔斷氣」咁成日跟住我,一粒好返嘅時候另一粒又起,甚至乎有時一次過生幾粒!(真係灰到極點……)

真係需要搵適合自己嘅護膚品去救救我呢塊面!一向都知CLINIQUE Anti-Blemish Solutions紓緩暗瘡護膚系列嘅效果唔錯,除咗可治療及預防暗瘡外,同時可保護暗瘡周邊肌膚。好開心可以親身試用成條line,所以嚟緊我會一連三個星期,每星期一篇,同大家分享我嘅用後感,今次首先要分享嘅就係3-Steps。

我的膚質:混合性皮膚
試用時間:一個半月左右

Anti-Blemish Solutions Cleansing Foam 紓緩暗瘡潔膚泡沫霜 HK$185

特點:極溫和而有效的泡沫潔膚霜,在舒緩及鎮靜肌膚的同時,不會令肌膚感覺乾燥或變得更敏感。透過抑制過剩的油脂分泌,治療暗瘡肌膚,並預防暗瘡的形成。用後肌膚感覺乾淨、柔嫩及舒適,不會繃緊或乾燥。

用後感:
我個人最鍾意用泡泡洗面,因為泡泡質感會比較舒服。呢支潔膚泡沫霜一唧出嚟已經係綿密嘅泡泡,我會喺面上輕輕按摩幾十秒再洗走,洗完之後唔會好乾,乾淨得嚟感覺都幾舒服!

Anti-Blemish Solutions Clarifying Lotion 紓緩暗瘡潔膚水 HK$185

特點:蘊含可吸收油脂的粉末,能擊退過剩的油分。配方中蘊含清理皮層及治療暗瘡的成分,與控油及防止發炎的成分混合,以清除死皮細胞、疏通毛孔、減少過剩油脂、鎮靜及舒緩敏感肌膚,以及減褪發紅跡象。

用後感:
首先建議大家要用棉花球,因為可以節省潔膚水的用量。我好鍾意呢支toner,因為可以抹走洗面後殘留在臉上的污垢,抹完之後望住舊棉花球見到灰灰黃黃,先發現自己洗臉洗得唔夠乾淨,呢支toner就可以幫我令塊面更乾淨。如果臉上有暗瘡傷口時,會有啲「嗱」嘅感覺,令我覺得佢幫緊個傷口殺緊菌!

 
(↑這是抹臉後的棉花球,大家有隱約地見到灰灰黃黃的顏色嗎?實物會更清楚。)

Anti-Blemish Solutions Clearing Moisturizer 紓緩暗瘡清爽控油補濕乳 HK$190

特點:專為治療及預防暗瘡而配製,有效地在暗瘡出現前調節肌膚狀況,並抑制過剩的油脂分泌。性質溫和而功效顯著的啫喱狀補濕霜,質地輕盈而不含油分,輕易被皮膚吸收,不會有黏稠的感覺,令肌膚柔潤幼滑、舒適自然,無懼乾燥或脫皮。

用後感:
乳霜狀質地容易推開,而且皮膚好快吸收晒,用後感覺清爽得嚟,又做到保濕效果。如果天氣乾燥或者夜晚開冷氣瞓覺的話,可以再on top搽多一層保濕產品,我就會用埋Moisture Surge Extended Thirst Relief (HK$350),有鎖水效果,第二朝起身皮膚依然好水潤!

 
( ↑Moisture Surge Extended Thirst Relief)

總括來說,用咗呢套3 Steps之後,真係覺得皮膚出油情況減少咗,暗瘡都無生得咁密,好開心呀!但對付暗瘡係一個持久戰,唔係一時三刻可以完成,除咗要用適合嘅護膚品之外,仲要從生活習慣作出改善,例如:唔好夜瞓、少吃煎炸食物、勤換枕頭袋、清潔手提電話的螢幕等等。

下回預告:下次將會同大家分享紓緩暗瘡控油潔膚面膜的用後感,密切留意! : )

Clinique早前舉辦了一系列「夏日暗瘡SOS教室」,由專業美容顧問教導抗痘tips,立即睇吓當日嘅情況啦!


[movideo|mediaid:206698|size:medium|ratio:16x9]

LOAD MORE