注意!8大搭車自私行為

by Jan

好多時搭巴士同地鐵,都會遇上一啲「自私的人」,呢啲人多數都唔理人嘅感受,又或者完全唔覺得自己做咗一啲騷擾咗人嘅行為。所以,大家乘搭交通工具時應該注意以下事項:

1. 聽歌、睇片、打機請用耳筒,唔好大大聲喺車廂度播。即使用咗耳筒都唔好開到勁大聲,否則坐你隔離嘅人都會聽到!

2. 講電話的音量請收細,唔好傾到進入咗「忘我境界」,因為無人想知你講嘅嘢,只會覺得你好嘈。

3. 睇報紙雜誌時請顧及身旁嘅人,唔好攤大到成份報紙佔埋隔離乘客嘅位。

4. 長頭髮的女生要特別留意,尤其在地鐵行車時,好多時會有風吹過,小心長長的頭髮吹咗去隔離乘客的臉上。

5. 地鐵車廂站立時,唔好成個身挨落直立的扶手上,因為其他人都需要扶住。

6. 打噴嚏或咳時緊記用紙巾掩住口鼻啊!

7. 讓座俾有需要嘅人,唔好扮玩電話或者瞓覺而當自己睇唔到!

8. 唔好將濕嘅物件放喺座位上,例如:濕淋淋的雨傘。

LOAD MORE