朋友終於「衰咗」,我暗中開心?

by Karen C.

你身邊可能會有啲朋友,成世人都好幸運,要乜有乜,無憂無慮的,令佢身邊的人都非常羨慕同妒忌!大家都好可能會眼紅呢種朋友,然後當有一日呢位朋友嘅好運開始下滑嘅時候,你心裏竟然係──開心!

呢個朋友會擁有佢最想要嘅嘢,所有事都係美好的,例如:一個愉快和諧的家庭、愛錫她的男友、一份佢夢寐以求的工作、收入不錯等等。所以你潛意識一直妒忌對方,唔抵得佢咁順風順水,心底裏埋藏咗一股怨氣,直到佢終於「衰咗」,例如:同男友分手、工作上不如意等等,你可能會暗爽,然後覺得「你都有今日喇!」。

如果你真係有咁諗,有幾個原因:

1.  你根本沒有視對方為真正的朋友,佢只係你一個「假想敵」。
2.  你係一個自私精,不想別人好過你。
3.  你朋友係一個自私精,一直在你面前狂曬命、順便踩低你,令你心中充滿怨氣。
4.  某程度上,你因為覺得自己唔夠佢好,先會將呢種自卑轉化為妒忌。

如果你難以接受自己竟然有這種幸災樂禍的想法,你應該在這段友誼上,將焦點放在自己身上,而不是對方。

.唔好同對方比較,你羨慕別人的同時,亦有其他人在羨慕你。

.搵出妒忌對方啲乜,然後諗吓自己喺嗰方面有咩問題,會唔會係自己唔夠努力,做得唔夠好等等。

.應抱住樂觀積極的心態面對自己的人生,唔好將時間放在無謂事情上,做好自己本份,行自己想行嘅路。

.落井下石的心態要不得,即使對方係一個咩人都好,當佢遇上低潮的時候,都唔好背住佢喺其他人面前作任何嘲諷或批評,咁樣只會同時在貶低你的形象。

.反省自己之餘,不要過分自責,找方法讓自己情緒得以釋放或快樂起來,例如培養一些令你自信滿滿的嗜好,到時你就無咁多時間理人家咁多了!

LOAD MORE