前度送的物件點處理?

by Karen C.

跟前度分手後,嗰啲同佢有關係嘅物件,應該點處置?費事擺喺度「篤眼篤鼻」,全都丟棄?定係留返佢哋喺度,當作保存「回憶」好呢?

其實點樣處理,每個人都有唔同諗法。有啲人會好想棄掉所有東西,又有啲人會唔捨得丟棄啲嘢,但放喺度又驚會諗返起唔開心嘅事,其實呢啲嘢係你回憶嘅一部分,有時唔使咁狠心!所以最好嘅方法係:選擇性留低!

.有紀念價值的東西如相片、情信、戒指等:

不妨搵個箱放晒佢哋入去,然後將個箱放喺你十年都唔會拎一次嘢嘅地方,例如:床下底、櫃頂等等,咁樣可以將回憶「封鎖」,但你將來又可以拎返出嚟回味。

.實用性物件如相機、手錶、銀包等:

既然係實用物件,繼續用都無妨,唔好浪費。除非物件意義甚大,你每次用嘅時候都勾起傷心回憶的話,可以將佢轉贈俾人。

.較大型的物件如毛公仔、砌圖、枱燈等:

可以捐俾慈善機構,同時令屋企有更多空間放新的東西。

其實,當你真正放低呢段感情時,你拎返同前度嘅物件出嚟睇,就會會心微笑,畢竟呢啲係你嘅回憶嚟嘛!

LOAD MORE