男友曾經好花心,自己又經常猜疑......

By COSMO

Hello Joven,

最近我同一個識咗幾年嘅fd喺埋咗一齊。原來我哋兩個都早就鐘意對方,但係因為太fd,大家都怕會無咗個朋友,所有都無行出呢步。直至最近佢忍唔住問我,我哋先喺埋一齊。而且佢問我喺唔喺埋一齊嘅時候講明係以結婚為前題,所以我哋兩個其實都對段感情好認真。

但係問題係我以前同佢太fd啦。佢點樣追女仔、氹女朋友等等……我全部都知,所以我好無安全感。其實佢為我已經變咗好多,例如:以前做fd我哋成日都火星撞地球,但係一齊之後佢未發過我脾氣。佢唔鐘意講電話,以前講十分鐘電話已經覺得好耐,依家每幾日都同我煲一次電話粥。我知道佢對我唔係玩玩吓。

尋日佢話我知下年佢要返香港四個月,我真係好無安全感。理性上我知道佢對我好認真,亦為我改咗好多。但係佢以前啲ex個個都靚過我身材好過我,佢喺香港又多朋友成日都會出去蒲,所以我真係好擔心。佢聽得出我無安全感,所以一開始佢就同我講叫我唔好諗咁多,佢返香港要陪屋企人,又要返工,唔得閒出去蒲。我又衰疑心,繼續講,我仲話long D 你要呃我,我都唔啦。佢聽到呢句就嬲,佢話佢知佢以前個底好黑,問我點解唔可以俾次機會信吓佢。我見佢嬲我亦唔敢講落去,但係我其實仲係好無安全感……

Joven,你有無啲咩提議可以改善呢個問題?感激<3

V

Hey V:

你在做著自製矛盾的事:既然清楚知道他的過去,對他不信任,你根本就不應該跟他開始!你當日選擇和他開始是因為甚麼?他到今日為止,有沒有跟當日你決定和他一起時的「他」貨不對辦?

坦白說,如果男人要騙你,他在你身邊,你廿四小時盯著他,他都會出軌。至於自信心問題,即使你有周秀娜的身材,陳妍希的女神面孔,世界上一定有再好過你的女生,你驚得幾多?定係以後唔准你男朋友出門口? (By the way,即使不出門,男人都可以在網上交友!!)。

自信心和安全感是來自內在的,沒有人可以幫你建立,如果你一味要求男朋友給你安全感,信我,你地好快會散!

最後,我想問:你認為自己有甚麼吸引人的地方?他喜歡你的甚麼?你有跟當日的自己貨不對辦嗎?

CG!們,如果你在生活上遇到甚麼疑難,包括工作、愛情、人際關係,總之生活上的任何事情,都歡迎e-mail到editorial@cosmogirl.com.hk 跟我分享及討論啊!:)(Subject: ask joven)

歡迎加入Joven Love  ♥  Life Coaching Fan page

Love

LOAD MORE