對煮食零興趣,有罪?

By COSMO


全球都被自煮樂的熱潮籠罩,彷彿唔煮唔夠潮,看見好友都熱衷於切切煮煮焗焗,你卻無動於衷。當你處於掙扎,又或者滿腦子問號之時,有否想過,你唔鍾意煮嘢食,可能背後有些原因?

1.     壓力
上一代煮食,只係解決兩餐需要,並唔會當佢係一門興趣同藝術咁看待。要每日都諗食乜煮乜,的確係乏味又費神。因為要考慮嘅事太多:所選的食材是否健康?要食慳家餸,定係好快就可以煮好嘅餸?對於只求食飽就算、唔享受烹飪藝術的人嚟講,以上各種考慮會帶來壓力,甚至內疚感。

2. 遺傳
不愛自煮亦可能是遺傳!因為分享食物呢個概念,係我哋自小受家庭、文化、宗教、價值觀等影響。如果我們的長輩沒有教過分享食物代表團聚、喜慶,又或者流傳食物方面的習俗,長大後重新學習就有難度了。當然如果自小受父母薰陶愛烹飪,加上適當的鼓勵,要成為自煮達人當然無難度!

另外,若父母對煮食抱戰戰兢兢的心態,或覺得煮食麻煩又複雜,都會令子女對烹飪失去興趣。即使日後成為父母,嘗試自煮更有營養的膳食,都會因為心底裏對烹飪的恐懼而卻步!

3. 習慣被照顧
有人餐餐食外賣,導致三高(血壓高、血脂高、血糖高),除咗無時間煮之外,都可能係因為太習慣被照顧,有父母在身邊就飯來張口。所以,要真正的成長,一定要學習自己照顧自己,為自己的健康,甚至往後的人生負責!

4. 把感情投射到食物上
父母照顧子女日常飲食,是愛的體現,但這份愛,你未必欣然接受,亦有可能會拒絕。把感情投射到食物上,對你的日後影響有兩種可能性,要不超愛煮食,要不就是零興趣;若父母利用飲食作為對付你的必殺技,更會令你討厭煮食。

CG! Reminds U:

1.     其實要培養煮食的興趣並唔難,首先係唔好覺得唔識煮嘢食是罪!初期學煮食時,每次可嘗試用一種新材料,掌握到之後先嘗試新食材,亦可以學吓用唔同香料配搭調味。

2.     不妨偶爾到高級超市採購優質食材,可增加烹飪的樂趣。

3.     要忘記食譜,發揮創意,甚至像大廚般用靈感創作新菜式,說不定會有驚喜啊!

 

LOAD MORE