復合=悲劇重演?

by Cynthia

雖然有人話「再見不是朋友」,但係分咗手嘅男女之間,總係有種好微妙嘅感情,如果舊情復熾,復合又係咪一件好事呢?

水泡主義?

好多時一對戀人復合,可能係基於雙方都寂寞想搵個人陪,而同時單身嘅ex自然係一個好「就手」嘅選擇。所以你要問吓自己,係咪只係想盡快脫離單身,又或者,對方係咪只當你係「水泡」,如果係嘅話,就無謂浪費時間,令自己錯過遇到另一個Mr. Right嘅機會!

重複犯錯?

如果始終都係覺得對方最好,復合當然無問題,但係呢個時候要問清楚自己,當初點解要分手?如果係因為性格不合、你接受唔到佢嘅壞習慣等唔會改變嘅問題,好可能問題始終都會存在,你亦唔好旨意對方會有所改變,勉強遷就只會大家都辛苦,當初嘅問題亦會重新出現,最後重演當初分手嘅悲劇,又何苦呢?

如果以上兩個問題都唔存在,反而重新一齊嘅原因係分開咗之後先發現更需要對方,咁就不妨試下復合,話唔定會因為失去過而更加懂得珍惜對方呢!

LOAD MORE