託人旅行買嘢3大注意事項!

by Jan


當你知道朋友去旅行,你第一個反應係咩?叫佢玩得開心啲?定係乘機叫佢幫你買嘢?

曾經有朋友話去旅行幫人買嘢,結果搞到個行李箱超重,要罰錢之餘仲搬餐死!如果你經常叫人去旅行幫你買嘢的話,就要注意以下呢幾件事:

1)  人哋去旅行唔係奉旨要幫你買嘢,所以你嘅態度唔好「老奉」咁樣,你應該話:「如果你咁啱經過,或者順路先啦,唔使專登搵架!」當然仲要加多幾句「唔該」啦!

2)  你要衡量一下你想拜託對方買嘅嘢係幾大件同幾重,如果體積好大或者好重嘅都唔應該叫人幫你買。

3)  就算要買嘅嘢唔大件或者唔係好重,例如係化妝品或護膚品,都應該一件起兩件止,無謂要對方做你嘅「搬運工人」!

LOAD MORE