搵出你無拖拍的4大原因!

By COSMO

無錯,雖然好男生難搵,但當你單身嘅時候,有無諗過其實係你自己阻住緣分到來?

你醒目又玩得,有份唔錯嘅工作,又有一班好朋友,但點解你一直無拖拍?其實,好多女生都會不自覺地釋放出「唔好惹我」嘅訊息,令男生望而卻步。快啲睇吓你有無犯了以下錯誤,如果有,就要快啲改善喇!

  1. 你經常同一大班女生一齊

    要識男仔,你可能想有老友喺身邊傍住。問題係,咁樣會令你變得難以埋身。因為男生會覺得有威脅,驚喺一班人面前被拒絕。要令自己available,只須搵一位好友同行,又或者喺適當時候離隊做吓獨行俠。
     
  2. 你經常喺同一地點打躉

問問自己,你講過幾多次:「唉,呢度都無靚仔!」然後下個星期,你又去返同一間café,跟同一班人講同樣的說話。如果你要有收穫,就要跨出你嘅安全範圍。下次有朋友邀請你去佢嘅生日會,或者friend搭friend去唱k,就即管去吧。

  1. 你俾男生食檸檬

當你睇中遠處嘅型男,而另一個口花花男生正向你搭訕,你可能會不屑地打發佢走。但咁樣會造成反效果!如果你嘅目標男生見到你嘅「寸爆」行為,佢可能會打退堂鼓。而且,那個次選男生可能實際上相當不錯。所以,除非對方極度難頂,否則同佢傾兩句都無妨。如果目標男生仍然無咩反應,你可以禮貌地搵個藉口走人。

  1. 你拒絕為自己製造機會

    你抱怨難搵對象,但當老友想做媒人時,你又推三推四。其實,你需要開放自己去接受任何機會!話俾你信得過嘅好友知你想識男仔,睇吓對方有無介紹,當然,遇到啱傾嘅梗係好,否則都無損失,咪當識多個新朋友囉!
LOAD MORE