WhatsApp傷感情

By COSMO

有無發現很多男人都習慣以WhatsApp/send message代替對話,嚴重程度去到連約你都慳返啖口水,寧願text來text去,直到見到面為止。其實這只會令他對你越來越懶,因為他不用花太多時間和精力在你身上。如果你遇到這種情況,一定要盡快扭轉局面。

在今時今日的社會,send/收message幾乎是人人每天的指定動作。在你的手機inbox,一定有不少男人留俾你類似「How have you been?」、「今晚得唔得閒?」等message。問題是,這讓男人連開口問你的誠意和力氣都慳得就慳,久而久之,會建立出一種懶散、不積極的相處模式,到你們真的成為一對,你可能見佢啲message多過佢本人。

Problem 1: 誠意度減

當一個男人send一個含糊的text給你,例如「Let’s hang out」,就是間接將個責任拋了給你,由你去將個約會變得具體,例如好自然你會問返佢hang out即係睇戲定食飯。又有啲男人,習慣以send message作為被拒絕的安全網,假如你唔覆或者推說唔得閒,都唔使俾你當面拒絕。要破解佢哋一直只用message約你,你不妨回覆:「你轉頭打俾我啦。」

Problem 2: 欠缺聯繫

大部分男人都唔鍾意煲電話粥,但你知道有時同佢哋講電話嗰啲sexy的調笑聲、flirtatious的語調,其實是很fun的,可惜當一切語言變成文字(和表情符號),事情就變到好唔立體好無癮。換句話講,texting令兩個人變得充滿距離感,所次下次佢打俾你時,你要俾佢正面的鼓勵,例如話「聽到你把聲真係好嘞」、「其實你把聲好好聽」etc.。

Problem 3: 字面障礙

在人與人之間的對話中,除了內容,從語調、聲線,我們可以掌握到更多資料,感覺到對方的喜怒哀樂,是真情流露定係講反話,從而了解對方更多。若你只能接觸到佢send嘅message,你好難解讀佢嘅感覺,例如佢text你「I had fun last night」,可能代表佢對你有意思,好享受同你一齊嘅時光,亦有可能係佢對你無乜興趣嘅禮貌表現。下次當佢咁樣text你,你不妨ignore佢個message,睇吓佢會唔會改為打俾你,不過如果他留voice message給你,你就要快點回應了。

Problem 4: 迂迴溝通

Texting其中一個壞處,就係如果對方想取消約會,他只要打一句說話就得。又或者他覺得你對佢越來越認真,佢只要減少text你,就可以令你死心,乾手淨腳。你要同佢講清楚,你需要他的尊重,例如告訴他「如果你打嚟講聲嚟唔到,我覺得會比較好」。如果你已經同佢講過,但佢依然故我,你就索性唔覆佢算了,因為他不見得願意投資時間去經營一段關係。

CG! Reminds U

•    通情達理的new city girl不會無理取鬧,明知對方在工作、開會,當然不會expect對方直接打俾你。他在辦公時間以texting跟你聯絡,是合情合理的。


•    如果佢每次text你,你都直接打電話過去覆,好可能會嚇親佢,令佢覺得好有壓迫感,texting有時也是一種情趣,所以聰明的CG!要學吓點喺兩者之間拿捏出一個令雙方都舒服的溝通方法了。

 

LOAD MORE