男生最唔想聽到嘅話題!

By COSMO

你想唔想同另一半溝通得更好?咁就要盡量避開一些令他掃興的話題了﹗

男生來說,某些對話的確唔係咁有趣,但佢哋明白要維繫一段健康的關係,就要不時跟女友傾吓呢啲唔係咁有趣嘅話題。事實上,男生唔係好介意談心,有時候佢哋甚至講得比你更投入﹗不過,女生要知道,某些話題不但會令男生退避三舍,而且仲要有超乎常人嘅忍耐力先可以沉住氣唔同女生吵架。所以,假如你想兩人的關係發展得更長久、和諧,就要盡量唔好同佢講以下嘅話題:

「你點解唔同我講你因咩事唔開心?」

好多男生都明白女生講呢句說話都係想幫吓手,分擔男友嘅憂愁,不過,問多兩次就會無乜效,分分鐘有反效果。一般來說,男生都唔會好似女生咁善於利用言語表達感受,所以,當佢經歷了很糟糕的一天後,仲要俾你捉住「盤問」,一五一十將不快事情詳述一遍,想佢唔發火都幾難。其實,你可以用另一種方式關心他,例如同佢說「假如你需要幫手,或者想傾吓,我隨時都會在你身邊」,然後講一啲比較輕鬆的話題。

「你記唔記得聽日係咩日子?」

呢類突擊檢查式嘅問題,係會嚇死男生的。與其搞到佢咁驚,不如試用暗示方式來提醒他,例如同佢講「嘩,我終於有機會去呢間公司面試啦!真係又緊張又興奮﹗」咁樣佢應該會知道聽日係你見工嘅大日子,話唔定佢會早啲起身陪你食早餐幫你打氣呢!

「你都唔留心我講嘅說話﹗」

女生一講是非就會長篇大論,不但令男生覺得你好似嗰啲攞唔到獎嘅電視台姐仔咁肉酸(好多男生都被逼知道這些八卦新聞),而且說三道四亦不等如跟男友溝通。當你沒完沒了地講是非,又逼佢俾反應時,佢真係會悶到想死。更嚴重嘅係,男生會好擔心自己都有可能成為你是非話題嘅主角!所以,都係盡量唔好同男友講你喺公司聽到或女生之間嘅是非,多啲同佢講一啲同你有關嘅事情。

「你究竟同過幾多女人上床?」

「危險﹗」男生一聽到你咁問,腦海裏就會立刻出現呢個訊號,因為呢個問題永遠無正確的答案。如果你真係好想知他對性的慾望與要求,其實可以間接地查探,例如問佢:「你有無一啲性幻想係從來無實現過,但又好想試吓?」咁樣既能知多一點佢對性嘅要求(例如點樣可以令佢興奮),而又毋須被逼滿足佢所有性幻想──假如佢嘅性幻想並非你所喜好的話。

LOAD MORE