編輯推介:戴眼鏡都睇到的閃令令眼影!

by TEXT : 韋寶

CosmoGIRL! Senior Web Editor
上次韋寶話過會同大家分享,我到底係點樣令人一眼就留意到美美的眼影?
登櫈!就係選用閃令令嘅眼影喇!


Clé de Peau Beauté呢隻四色眼影連盒($580)最左邊嗰格的粉紅色好閃好靚,仲記得新年時用,老公妹妹一見到我就話:「噫,好閃喎!」自此它就成為我「常用眼影團隊」的其中一員!

上次話過,gloss狀眼影一般較難控制,不過Dior呢隻限量版單色亮澤眼影霜($250)就幾易用,我都係用手指點少少,再將佢推幾下已經好均勻,而且gloss狀眼影唔會跌粉,仲有補濕感覺添!

另一推介係Jill Stuart的限量jewel crystal eyes($410),我試用時覺得好surprise!因為無諗過會咁閃呀!
 
最後呢兩隻雖然而家無得賣,不過都想介紹俾大家,如果大家將來「遇見」佢,不妨一試:
首先係M.A.C呢隻pigment閃粉,每星期都會喺我隻眼上面搵到佢,因為佢真係閃得好靚架!我最鍾意就係隻紫色同藍色,大家唔使驚誇張,因為我搽上手時重手咗而已!你絕對可以控制到佢嘅深淺,不過用呢隻閃粉,真係唔可以一手點落去,貼士:
1. 用之前要上下搖佢,等啲閃粉黐咗上個蓋度先點,而且點少少已經好夠!
2. 我平時鍾意用銀色搽喺眼窩,再將藍色搽喺雙眼皮及雙眼皮高少少的位置。除咗銀藍配,仲有淺肉色與紫色配!

而Anna Sui呢支Metallic Color的gloss狀眼影,初初見到呢隻色都以為唔啱自己,不過搽上去後靚到暈,仲要一返到公司,同事第一眼就睇到兼讚靚!至於缺點係較難控制,而我就會咁用:
1. 因為佢幾濕的,我用時會直接用個掃搽喺眼,佢係唯一一隻我唔會經手搽嘅眼影。
2.呢隻眼影幾sharp,不宜搽太大範圍,建議有雙眼皮者,搽雙眼皮位已經好夠。而好似我呢啲內雙又或者係單眼皮的,就搽到張開眼後見到約2mm就ok喇!
 
最後,我還是要再一次鼓勵大家,多試不同的眼影顏色,咁先會搵到至match你嘅顏色架!
LOAD MORE