編輯試食分享:15款「睇見都想食」的即食麵!

by TEXT : 韋寶,Cynthia,Karen C.

平時去超市成日見到一啲貴價杯麵同公仔麵,見到個包裝真係好想即刻買晒返屋企食,咁到底邊啲真係好好味,邊啲係「虛有其表」?快啲睇吓三位CG!網編的試食分享:

CosmoGIRL! Senior Web Editor:韋寶

北海道產 小麥100%鹽味拉麵 / $31


麵質:★★★★☆(較硬身、有嚼勁的拉麵)
湯底:★★★★☆
好味指數:★★★★☆
飽肚指數:★★★☆☆
總評:
一食已經食到湯底有滿滿的昆布味,感覺幾清。而且裏面有兩片肉,味道也ok啊,可惜食晒都唔夠飽,用來做宵夜就差不多。
德島製粉 金之杯裝醬汁撈牛肉烏冬 / $20

麵質:★★☆☆☆(兩星半、普通烏冬)
醬汁:★★★☆☆
好味指數:★★★☆☆
飽肚指數:★★☆☆☆
總評:
起初買係因為好少有烏冬杯麵,而且包裝上的牛肉烏冬賣相吸引,所以打開前期望甚高。結果……只有「碎濕濕」的牛肉碎,而且無牛味兼嚡口。唯一可取是醬汁味道ok。
三洋食品 吞拿魚蛋黃醬意粉 / $29.5
麵質:★★★☆☆(3星半、天使麵嚡身版)
醬汁:★★★★☆
好味指數:★★★★☆
飽肚指數:★★★☆☆(3星半)
總評:
醬汁的確有吞拿魚味,如果濃啲就好了,不過食唔出有蛋黃醬的味道。另外,雖然整出嚟之後無包裝上張相的賣相咁吸引,但味道不錯,可以encore!
 
明星食品 評判屋之醬油湯中華拉麵 (5包裝)/$42
麵質:★★★★☆(跟出前一丁無異)
湯底:★★★☆☆
好味指數:★★★☆☆
飽肚指數:★★★★☆
總評:
一打開只得一包味粉,很失望。(要知道包裝上的溏心蛋多吸引!因此對這個麵有期望喇!)味道嘛,以醫油湯底來說,略淡,不過感覺上不是很濃重的味精味。
韓式蜆鮮味麵 / $18
麵質:★★★★☆
湯底:★★☆☆☆
好味指數:★★☆☆☆
飽肚指數:★★★★☆ (4星半)
總評:
起初買佢係因為被包裝上的蜆肉所吸引,一心以為好好味,但煮完後,成個湯好「杰」,好似麵線咁「杰」(但佢唔係麵線味,所以個人覺得有點怪),而且頭幾淡食落去覺得有啲腥,所以……這絕對不是我杯茶。
CosmoGIRL! Web Editor:Cynthia

明星中華廣東豉油拉麵 / $14.5

 

麵質:★★★★★
湯底:★★★★☆
好味指數:★★★★☆
飽肚指數:★★★★☆
總評:
拉麵質感唔錯,跟住指示煮4分鐘就啱啱好。醬油湯底亦夠香濃,不過就食唔出「中華風味」或者「豉油味」。(其實,究竟點先係中華風味呢?)

 

札幌一番醬油炒麵(5包裝)/$59

 


麵質:★★★★★
醬汁:★★★★☆
好味指數:★★★★☆
飽肚指數:★★★★★
總評:整體來講好好味,麵夠彈牙,醬料亦夠沾上每一條麵。微酸的撈麵醬汁,加上海苔粉,好有日式燒餅風味,未能滿分只係因為我唔太鍾意帶酸味的麵而已。

東洋水產匠芳醇醬油湯拉麵 / $32

 

麵質:★★★★☆
湯底:★★★☆☆
好味指數:★★★★☆
飽肚指數:★★★★☆
總評:
以杯麵嚟講,可以做到近似煮出嚟嘅拉麵咁彈牙,真係唔錯,而且夠大碗,唔會食完都唔飽。不過湯底比較淡,同埋塊肉太肥、太碎,有少少失望。

YAMADAI叉燒拉麵 / $24

麵質:★★★★☆
湯底:★★★★★
好味指數:★★★★☆
飽肚指數:★★★★☆
總評:
醬油湯底夠香濃,係成個杯麵精華所在,拉麵和配料都不錯,叉燒亦有兩塊,唔算好孤寒,整體嚟講都算好食。

喝盡一杯海鮮醬油拉麵 / $22.5

麵質:★★★★☆
湯底:★★☆☆☆
好味指數:★★★☆☆
飽肚指數:★★★★☆
總評:
賣點係佢個湯底,包裝上話要飲埋最後一滴,但個湯底實在太鹹,飲一啖都覺得唔ok。其實杯麵啲配料幾足,麵質亦唔錯,敗筆反而係個selling point。

CosmoGIRL! Web Editor:Karen C.

三洋食品 煙肉忌廉寬條麵 / $29.5

 

麵質:★★★★☆
醬汁:★★★★★
好味指數:★★★★☆
飽肚指數:★★★☆☆(3星半)
總評:賣相跟包裝尚算相似,芝士味夠濃,以即食麵來說,忌廉汁也算creamy,但煙肉數量較少,而且麵的分量偏少,當正餐食未必夠飽。
 

Marutai 柚子鹽杯麵 / $22

麵質:★★★☆☆
湯底:★★★☆☆(3星半)
好味指數:★★★☆☆(3星半)
飽肚指數:★★★☆☆(3星半)
總評:
味道清新,有別於一般的杯麵味道,而且沒有油膩感!
 

三養海鮮拉麵 (5包裝) / $42

 
麵質:★★★★☆
湯底:★★★☆☆
好味指數:★★★☆☆
飽肚指數:★★★★☆ (4星半)
總評:
吃不出海鮮的味道,感覺上跟辛辣麵差不多。
 

五木食品 超長拉麵-鹿兒島黑豚豚骨湯 / $69


 

 

麵質:★★★★☆
湯底★★★☆☆ (3星半) 
好味指數:★★★☆☆(3星半)
飽肚指數:★★★★☆(4星半)
總評:湯底偏鹹,所以煮食時要留意水的分量。湯底有輕微鹼水味,而且豬骨味不足。

ACECOOK 夜鳴屋札幌味噌拉麵 / $22.5

 
麵質:★★★☆☆
湯底:★★★☆☆(3星半)
好味指數:★★★☆☆ (3星半)
飽肚指數:★★★☆☆(3星半)
總評:
味噌湯底的濃度適中,麵質跟普通即食麵差不多,只有少量肉粒。
 
 

 

LOAD MORE