單身男女無拖拍的4大原因!

By COSMO

雖然近年不斷有數字顯示女多男少的現象越來越嚴重,但其實身邊都有唔少單身男和單身女,究竟點解呢班人總係無法走在一起?唔通真係緣份未到?撇開天意唔計,有以下實際原因:

1. 男女對愛情的憧憬都停留在陳腔濫調嘅愛情小說或愛情電影入面,誤以為愛情一定要浪漫同轟烈,所以一直等待經典場面出現。

2. 男嘅要樣靚身材正加賢良淑德的女生,女嘅則只對高大靚仔、才華身家兼備的男生先睇得上眼。雙方嘅要求都超高,而且互相嫌棄。

3. 成日聽到男女都話:「無人欣賞我嘅優點」,但同時亦經常聽到男生批評女生:「豬扒、甲組腳……」女生又批評男生:「髮線向上移、大肚腩。」實情係,大家都冇嘗試去欣賞別人的內在美。

4. 有啲人好計較,去幾次街,男的會諗個女仔會唔會好貪錢,女的就驚死蝕底俾人,而忽略咗大家只係做個朋友,因而享受唔到約會的樂趣。

所以呢,要脫離單身行列的話,要先檢視一下自己的想法及態度究竟有冇問題,而唔好淨係識得批評人呀!

LOAD MORE