編輯推介:10秒夾出太陽花睫毛

by Karen C.

Karen C. (CosmoGIRL! Web Editor)

首先想講下,我嘅右眼皮係內雙眼皮(但左邊是微雙眼皮的),加上眼睫毛向下插,所以顯得隻眼好細又無神。

送上我的素顏右眼一隻:

由於係內雙眼皮加埋睫毛向下插,所以我夾睫毛係要用多啲時間,先可以正面望到佢係夾到佢翹起咗。曾經我有用過電睫毛棒,但佢同我的睫毛似乎唔係好夾,整極都整唔到好好的效果。於是,我發現了一個便宜又快捷的方法,只需要一個風筒同睫毛夾!

首先用風筒將睫毛夾吹暖,大約數5下已經好足夠,用手摸一摸睫毛夾,確保唔會好熱,否則會燙傷眼皮。

然後將睫毛緊貼睫毛根部,向上夾起大約5秒。

睇下,已經夾起晒!

再輕輕搽上睫毛液。搞掂!

呢個方法仲可以將睫毛維持一日唔會跌返落嚟,效果好持久。而且只需風筒一個,唔需要專登買支電睫毛棒,都做到相同效果。

LOAD MORE