為你拆解不同夢境的啟示!

By COSMO


有無試過成日重複發同一類型嘅夢,例如成日發夢俾人追住你 / 被困?其實呢一切好可能係潛意識想話你知,現實生活中有啲嘢要留意!如果你唔理佢,唔單止會不斷發類似嘅夢,現實中嘅問題亦解決唔到,快啲睇下到底你個夢背後有咩意思啦!

夢見:被追逐
夢中被持刀的兇徒、猛獸、怪物,或者係一團黑影追住你,總之就係被窮追不捨!

啟示:
1.     你好可能喺現實生活中被一個人、情境,又或者係不快嘅感受所威脅。如果可以記起更多夢中被追逐時的細節,例如邊個追住你、地點、被人追到索氣但又唔停得的感覺,然後從家人、同事、朋友等找出當中的關聯。

2.     想想夢中出現的對話及隱喻,例如夢見在家中被咆哮的怪物追逐,可能係因為嘮叨的母親令你感到煩厭。又例如被手持武器的同事追斬,可能係你在工作上感到被威脅,或者彼此有衝突但唔知點面對。

雖然未必每個情況都可以解決,但至少了解自己的恐懼來源,當受到威脅時能調整情緒!

夢見:發生奇怪的綺夢
綺夢中的床伴可能係經常遇見但不認識的人、認識但不相熟的人,又或者係你喜歡的人。

啟示:
1.     雖然綺夢中的床伴,有機會係你想跟他發展親密關係的人,但同樣可代表你想擁有那人的特質! 
試用一句說話形容你夢中的床伴,例如你夢見和公司主席一夜情,而你會形容他是公司的靈魂人物,咁就有機會係你不滿事業停滯不前。

2.     如果夢見被強姦或進行不情願的性交,可能是你抗拒那人的缺點。

3.     若果夢見兩個風馬牛不相及的人在床上,例如男友和好友,也許是你的潛意識覺得二人撻着了!

夢見:迷路或被困
在陌生的城市中迷路,或被困貨倉等,想大叫求救但出唔到聲,想拔足狂奔又走唔郁……

啟示:
1.     你可能不滿現狀卻無力改變,不妨仔細記低現實中同樣令你有無助感覺的情況,例如幫好姊妹籌備婚禮,但她諸多要求,令你唔知點好,也許可以搵多個朋友嚟幫手。

2.     夢境中的細節亦可能有暗示,如被困時你打電話向某人求救,但打極都打唔到,有機會係現實中你同嗰個人有嫌隙。

夢見:在公眾場合裸體示人
啟示:

赤裸裸示人的感覺令人覺得很脆弱,夢中裸體時的場合和情境,暗示恐懼的源頭。可以細想令你不知所措的現實情況,例如夢見食緊晚飯時,只得自己一人裸體,原來現實中將會同男友的家人第一次食飯,因此對未知的情景感到擔心。

夢見:飛行或向下墜
無論係穿雲過雨,定係跳入水中後發現自己唔識游水的情境。

啟示:
1.     好好諗下現實中令你抓狂的事,係工作帶來巨大壓力?定係瘋狂購物過後,卡數仲未還清? 呢種夢就正正提醒你要面對呢啲問題!

2.     呢種夢亦表示你在感情上感到無助或無依靠,例如夢見自己滑水時被突如其來的大浪沖走,而你根本不好水上活動,但在外地工作的男友卻是滑水高手。呢個夢表示你對呢段分隔異地的關係感到不踏實兼無信心。

夢見:與名人一起hang out
跟明星名人成為好友,一齊食飯、玩樂、行街等,而夢境中他們的身分跟現實一樣,都係明星!

啟示:
1.     名人出現在你的夢境,暗示現實中的你想擁有那名人的特質,所以解構夢境的意思時,要找出該名人的特質,例如夢見Madonna,而你會用性感、健美及擁有成功事業來形容她,咁呢啲就係你心底裏好想擁有嘅嘢!

2.     如夢見與明星一起玩樂,或許係你渴望可以好似佢哋一樣被人重視。

記下夢境細節小貼士
若要解讀夢中的暗示,絕不能忽略夢境的細節,以下是記下夢境的方法:

1. 在床頭放下「夢之日記」,即使在半夜夢醒,都可以立即記下剛發過的夢!

2.關掉鬧鐘後,可襯賴床的時間,在腦海中即時回想夢境的細節。

3.將夢中發生的事向朋友講述,有助刺激記憶。

 

LOAD MORE