小行動,救地球!

by Karen C.

大家講環保都講咗好多年,成日話要慳電、慳紙,但唔知大家有無一直身體力行去支持環保呢?嚟緊4月係地球月,又係時候要提醒大家要愛惜我們的地球,其實就算係一個小小的習慣或行動,就已經可以幫地球慳返唔少資源,既然咁簡單,不如一齊行動啦!

今年「地球一小時2012」將於3月31日舉行,到時大家可於晚上8時半熄燈一小時,與世界各地的民眾一同慶祝及參與這項全球環保行動。此外,大家都應該定下個人的節能目標,為地球出一分力。

日常生活中,大家可以實行以下的環保小行動:

  • 以淋浴代替浸浴,並且不要於沐浴期間長開花灑,用最短的時間「洗白白」。
  • 如果唔睇電視就熄咗佢,唔好俾電視聲成為你屋企的「背景音樂」。
  • 打開雪櫃前,先諗好想食啲咩或拎啲咩,唔好打開雪櫃門先慢慢諗、慢慢研究。
  • 購買新家電時,選購符合能源效益的產品。
  • 少開私家車,多乘搭交通工具,一來節能,二來可減少塞車情況呢!
  • 將紙巾一分為二,跟朋友share或將一半留待下次使用。
  • 部分美容品牌會回收已用完的護膚品容器,如果你用開的護膚品牌有呢個服務,不妨儲起這些容器拿去回收啊!
LOAD MORE