辦公室戀情,爆唔爆好?!

by Jan

職場, 辦公室, 愛情問題, 辦公室戀情, 地下情

好多人都唔睇好「辦公室戀情」,認為可免則免,費事引起不必要的麻煩!例如同事之間的閒言閒語,又或者會引致好多工作上的尷尬情況,甚至會影響自己的事業。所以,如果你真係「唔小心」要發展一段辦公室戀情,真係鍾意得對方好緊要,咁你要先好好諗清楚自己能否承擔壓力,否則好容易跌到「損手爛腳」!

1. 唔好一個頭栽埋去
如果你同公司一位男同事互有好感,只係約會了好幾次(可能都係隨便食飯、行街),後來可能其中一方想終止發展,咁都仲或者有機會繼續做同事而無乜副作用;但如果一開始你哋已經勁投入呢段關係,同對方好纏綿,萬一對方要同你分手,咁你之後返工嘅時候想唔受佢影響都幾難了!

所以,千祈唔好急住要同對方約會或認定男女朋友身份,尤其公司party或一大班同事出嚟飲嘢嘅情況下,係你最容易放鬆自己警覺的時刻,最好唔好飲太多酒,喺戀情的觀望階段唔好俾任何其他東西干擾了你的判斷。直至你覺得互相了解足夠,值得發展才確認彼此的闗係。

職場, 辦公室, 愛情問題, 辦公室戀情, 地下情

2.保密
盡量唔好太快讓辦公室戀情曝光,如果被人發現,閒言閒語就會開始極速喺公司流傳開去,無聊的人會開始指指點點,甚至作出批評而忽略對你本身的工作評價。如果你係同上司或老闆發展戀情的話,更可能會有人覺得你係靠關係上位的人。

為了將八卦傳聞減到最少,盡量避免出雙入對,公私要分明,在工作時間內減少獨處的時間,相反地,你應多花時間跟同事食lunch,或參與團體活動,以表明你跟以前沒有兩樣。而且在整件事上,你和同事男友要有商有量,保持默契。

職場, 辦公室, 愛情問題, 辦公室戀情, 地下情

3.被發現時保持冷靜
如果你同佢喺餐廳食飯時被公司同事或上司發現了,記住要保持冷靜。如果你的上司或老闆知道了,你應該坦白承認戀情,然後表明你之前唔講俾佢聽,係因為你認為呢件事唔會影響到自己的工作表現。結果可能係,佢發現你喺呢件事上控制得好好,亦無發現你同男友喺公司打情罵俏,佢會更相信你。

職場, 辦公室, 愛情問題, 辦公室戀情, 地下情

4.選定時機公開戀情
當戀情發展到一定的階段,關係開始穩定下來,而大家都認為公開戀情唔會影響兩人關係同工作,就可以揀個好時機同方式公開。例如可選擇公司outing時向同事公開,因為唔係返工時間,氣氛會比較輕鬆,亦顯得大方。

職場, 辦公室, 愛情問題, 辦公室戀情, 地下情

5.分手必須審慎處理
不幸分手了,最好保持低調。如果提出分手的人是你,又被問到分手理由,可以婉轉回答一些令對方覺得舒服的答案,將傷害減至最低。

如果不幸地你係被飛的一個,雖然係好難過,但都要拿出風度。你初期可以約其他朋友一起吃lunch,以減少和同事接觸的機會,等自己有時間去慢慢調息,面對關係上的改變。如果別人提及,就簡明地說:「這樣決定對大家都好。」你表現得越平淡,其他人就越少機會將事情誇大。

職場, 辦公室, 愛情問題, 辦公室戀情, 地下情

6.唔好辭職
無論戀情成功與否,都唔應該辭職。唔應該咁容易放棄自己的事業,除非你已經另有安排,而且係比而家更好的。如果唔係的話,辭職更會俾人「此地無銀三百兩」的感覺,令人幻想出更多關於你們的話題。

無錯,辦公室戀情係比起一般戀情要處理得更小心,尤其係當涉及到唔同階級嘅時候。雖然條路比較難行,但只要你同對方識得小心處理,減低感情對工作的影響就可以了,一段關係係要雙方共同努力和付出的,如果一對情侶可以一齊經歷波折,又一齊克服到,感情會變得更好!

LOAD MORE