如何整治「曬命女」?

By COSMO

大槪每個女生身邊都會有一兩個愛炫耀兼不顧他人感受的「曬命女」。重複又重複的誇張兼高八度聲線地說「你睇下,男朋友又買左個名牌手袋俾我」、「哎呀!我都唔係咁想去歐洲,去過好多次啦!」,實在令人煩厭。究竟該如何擊退煩人的「曬命女」?

充耳不聞

這種「曬命女」咁煩,係因為佢永遠沉醉係自己嘅世界入邊,想聽到人地羡慕的和應。好多人會禮貌應兩句,但其實這不足以令她們收聲,反而令她們變本加厲,繼續大曬特曬。對付她們最好的方法是完全不給予任何反應,佢一開聲,你笑笑口答一句:「係呀!」然後行開繼續做自己事,她自然感到無癮,知難而退。

轉移視線

如果你還擊,鬥曬命,她們只會以為你妒忌,吃不到的葡萄是酸的。分散注意力的手法反而更高明,例如叫埋其他人來湊熱鬧,拉埋其他人落水,「係喎,講開又講,阿XX你上次個希臘蜜月之旅點樣啫?」把其他人換成群眾焦點,曬命精自然會覺得無癮。

精神導向

其實喜歡曬命的人都有attention seeking的傾向,她們往往要靠這些外在的「成就」來證明自己;和別人比較,也是她們的習慣。想深一層,這類型的人也生活得頗辛苦。如果你覺得你身邊的曬命女不是天生討厭鬼,只是欠缺安全感,不妨用其他形式的相處去疏導她們的缺失,例如偶然主動跟她們閒話家常,推介一些有趣的書、音樂、小workshop,等她們知道世界很大,兼接收到人不需要吓吓靠物質、曬命來打開話匣子。

LOAD MORE