唔小心鍾意咗朋友的男友……

By COSMO

鍾意一個有女友嘅男生真係令人好frustrated,不如了解一下自己點解會鍾意一個taken guy,同埋點樣可以打消你想同佢一齊嘅念頭啦!

某程度上,差唔多所有女生都曾經暗地裏鍾意過一啲unavailable嘅男生。亳無疑問,當我哋問自己點解會鍾意咗個有女生嘅男生時,都會知道呢個根本係一個不能實現的幻想。

事實上,我哋之所以會鍾情一個taken guy,係因為我哋大腦潛意識覺得越難得到嘅嘢就越想要。呢個crush通常都係無傷害性的(如果你唔take任何action),但有可能影響到你的情緒。各位CG!,等我哋搵出點解unavailable嘅男生係咁吸引,而我哋又應該點樣處理呢種渴望吧!

向難度挑戰

如果你曾經千方百計想買一個限量版手袋,但都知道自己係唔會買到,嗰種失望嘅感覺,就同你知道佢有女友係一樣,佢之所以得到你嘅注意,都係同一個道理,呢種叫Frustration Attraction:越難得到嘅嘢,你就越想得到。而事實係,佢unavailable令到你對佢嘅欲望無限放大。

每次你一想得到佢,你個腦就會分泌出荷爾蒙多巴胺,多巴胺會驅使你邁向目標。當你遇到阻礙(即係佢有女友),就會令到你得唔到想要嘅嘢(即係佢),咁你個腦就會再次釋出更多的多巴胺,令到你更加想同佢一齊。

如果係咁,你可以咁樣做:要撲滅你對佢嘅火花,記緊要提醒自己,你鍾意佢只係一個挑戰,令你產生一團火,而你根本就唔係真鍾意佢。如果佢係single,或者你未必會咁想同佢一齊。

他是搶手貨

人嘅本性係鍾意追求大熱嘅items,應用喺男生方面亦一樣:喺你心目中,你尊重嘅女仔所鍾意的男生,就係品質的保證。

繼續朝住呢個方向諗,你就會知道你覺得呢個男生咁完美,係因為你同佢始終有段距離,你根本就唔清楚佢個人係點。換言之,你根本未見過佢嘅黑暗面,唔清楚佢有乜缺點。

他就在眼前

當你根本無咩時間去街,就好難識到頂級好仔,所以呢個好可能係你愛上taken guy的原因。問吓自己,你想得到佢係咪只係因為短期內,鍾意佢會易過你去識個啱嘅人?

要將你嘅視線轉移到一個gettable guy,就要知道你欣賞個taken guy啲咩,例如係幽默、專一等等。咁樣可以幫你了解你對未來男友的要求。然後停止你嘅幻想,開始同一啲available,又meet到你要求嘅男生約會,唔使幾耐,你就會遇到你喜歡的男生了!

LOAD MORE