朋友太多嘢講……點算?

By COSMO

你身邊會唔會有成日講唔停、講到完全無位俾你攝到講吓自己嘢的朋友?佢哋嘅性格唔係討厭(否則又怎會做到朋友),奈何唔知點解身邊朋友總有一兩個這樣自我中心的傢伙。

朋友的地位應該是對等的,見面聚會交換近況應該係你講完到我講,不過總有啲人,無論係二人小圈子見面,定係大班人一齊,都表現到好似全世界都要以佢為中心,無論點轉話題,都會兜返去自己身上,講佢身邊發生的事。

例如一坐低,飲品都未落單,佢就開始尖酸刻薄地批評某女同事的衣著,到自己買咗條好貴但着得好合身的牛仔褲,然後再講發現大家有個共同朋友近來唔知點解暴瘦……好,到佢終於停下來飲啖水,於是你正想趁呢個機會update自己最新約會的男生,點知,講唔夠第三句,又俾佢將話題帶回自己身上──她的男友疑似想同佢求婚。

作為朋友,咁樣嘅對話真無癮,有佢講無你講,而這樣不平衡的發展,始終被忽略的一方會覺得大家從這段友誼中沒有得着,長遠來說仲可能會引起憎恨,為保友誼,過你以下4招對付佢哋。

第一招:單刀直入
一見面就由你先打開話題,將自己的近況講出來,完全不給她有發言的機會,先將大家話題焦點放在你身上。如果當中她有機會插入自己的話題,你就看準時機,趁她的唞氣位,講:「我話你知……」,將發言權拿回來。希望透過你不斷要求發言分享觀點的舉動,會令佢明白朋友交往是要公平對話。

第二招:尋求意見
有邊個唔鍾意被重視?尤其是你用這樣的開場白,例句:「我尋日見咗份新工,想知你點睇?」咁樣恭維地向對方尋求意見,令佢一定會靜靜的洗耳恭聽,然後獻出(她認為)最精闢的見解。

第三招:交換角色
每個朋友圈子中,大家都好似有既定的主角和配角,總係有啲人成為中心人物,其他的都是陪襯。通常性格隨和、感性又細心的人都會成為長舌型朋友的獵物。而多嘢講的朋友亦通常性格主動兼主意多多,例如會為大家訂下每次活動內容。因此,如果想扭轉經常成為聆聽者的命運,就要交換角色。即係由你提出去邊度食飯 /玩,例如提議到你家打邊爐兼打麻雀,當你佔咗主場之利,多啲講吓關於自己的事就會變得順理成章。

第四招:講心嗰句
其實當事人可能完全零察覺自己是一個講不停的人,佢只係真係好鍾意講嘢,亦從未諗過要問你的近況如何,所以你可以同佢講:「等一等,我想你聽我講埋個故仔先。」咁樣就可以令佢聽你講嘢。

LOAD MORE