Facebook會影響你同男友的感情?

By COSMO

男生是一種不介意八卦別人的事,但超級介意別人八卦自己私事的動物。而家好多人都鍾意將自己的感情生活放上Facebook同大家分享,但其實擺得上Facebook嘅嘢就唔係啲咩秘密,所以,如果想避免同男友爭拗,就要注意以下幾件事:

1. Relationship status一欄其實很引人注意,屬於不起眼的是非地。有女生鍾意三日唔埋兩日就將個status由「in a relationship」轉為「single」,以為可以嚇吓男友,等佢緊張吓自己。不過,「狼來了」呢個故事,你一定聽過吧?如果成日都係咁,隨時真係變真single!

2. 同男友嗌交時,儘量避免喺status公告天下,更加唔好係一啲指責對方嘅說話!如果你咁做,一來會令男友好無面(你知啦,男生通常都好要面!),二來解決唔到問題,仲分分鐘會成為其他人茶餘飯後的話題,仲唔係三輸?

3. 除非是共同朋友,或者已經認識了一段時間,否則儘量避免男友add你的知己朋友或同事,如果佢哋喺你同男友的相簿、wall等地方吵吵鬧鬧,會令你男友極度不爽。要知道男人最討厭的就是「八婆」。情況嚴重的話,佢絕對會為了避開麻煩而同你一刀兩斷。

LOAD MORE