佢會係我可以付託終生的人嗎?

By COSMO

你同男友走在一起已有一段頗長的日子,大家趣味相投,性格配合,思想價值觀接近,性生活融洽,而且各有健康的社交生活,以及一大班common friends。在各方面來睇,你哋關係非常好,好到你漸漸覺得「佢係咪就係我可以付託終生的人?」不過,唔知點解你仍然唔可以100%肯定,好似仲爭咁啲嘢。究竟係咩呢?誠實回答以下問題,你或者會有頭緒!

你擔心嗌交會導致分手嗎?
好多情侶驚嗌交嗌得太勁就會分手,於是會避重就輕,淨係拎一啲雞毛蒜皮的事來嘈,至於重要的大事就遲啲先算啦﹗於是,一直無好好解決的重大分歧,就好似雪球咁喺心裏越滾越大,總有一日會滾出來,導致分手收場。其實,當時機成熟,將重要的事拎出來討論是必要的,如果你哋連呢一關都克服唔到,唔係就就證明咗你哋嘅關係其實唔係咁穩陣?

你將秘密話俾佢知時,驚佢會嫌棄你嗎?
每個人都有不為人知,但又好想其他人了解的心事,尤其係希望另一半能夠接受並諒解。當你將一些過去嘅秘密話佢知,將真正的自己展示俾佢睇時,如果佢願意了解同埋接受,並無因此減少對你的愛,咁就恭喜你,佢對你係認真的!不過,如果只係你一味同佢講心事,而佢又將自己嘅過去或心事隱瞞,咁你就要諗吓點解喇……始終相愛講求兩方平衡,唔係單方面付出就得!

你們的性生活愉快嗎?
性生活愉快唔係淨係指你哋為對方帶來幾多性高潮,而係你哋願唔願意俾對方知道點先可以滿足自己、向對方作出要求,甚至分享性幻想,共同追求雙方滿足的性愛?有時候就算無高潮都可以性生活愉快,如果你哋除了性生活外,仲會不時親吻、擁抱同撫摸,享受接觸對方的身體,咁就表示你哋嘅性生活係愉快同埋穩定的。

佢可以睇穿你嘅心意?
其實只要你肯花心思和時間在對方身上,你都能夠掌握對方的心意。所以,當你還未開口,佢已經知道你開完OT最想食pizza;當買唔到飛睇戲時,他會識得陪你食日本料理來趕走悶氣;當你同朋友討論問題時,佢會自然地跟你同一立場、同聲同氣?咁就表示佢用咗好多精神去了解你嘅心意。好好珍惜佢啊﹗

你哋會逗趣對方嗎?
那些感情要好的「老夫老妻」情侶,有時會俾人睇到佢哋傻氣的一面,佢哋間中會整蠱對方、幫對方改花名,然後享受當中的樂趣。能夠自然地跟對方逗趣,咁表示你咃能夠放下心理防衛,唔驚俾對方睇到你童真幼稚嘅一面。除此之外,如果雙方性格幽默、有趣的一面能配合和協調,當遇上感情煩惱時亦會較易面對,因為幽默能抒減壓力。所以,如果你同佢能夠做到呢一步,表示你哋嘅關係好穩健!

LOAD MORE