自訂紀念日兼狂數日子?

by Karen C.

唔知點解,世上總有啲人,尤其是女生,很喜歡數日子或自訂紀念日。

當呢啲人拍拖時,會周不時驚天動地周圍宣布:我同男友拍拖三個月、我同男友拍拖四個月……但萬一她被飛時,耐唔耐又會失意咁話:我同男友已經分手一年一個月零五日、我同男友分咗手一年半……

其實,呢啲人咁鍾意數日子,係因為度日如年,還是覺得時間飛逝呢?日子本來就是一日一日地過,但點解往往在愛情的層面上,就顯得特別啲?又唔見啲人會數住:我阿媽生咗我二十年零五個月八日……浪漫和老套,只有一線之差,成日講講講,本來勁特別的事都會俾你講到普通哂啦!

紀念某些重要日子是OK的,但不要為了迫男友送禮物俾你就亂作紀念日,要知道,內心享受彼此一起的時光才是最重要,我們應該重質,而不是重量!如果你是失戀的話,更加不要keep住數數目啦!要將生活的重心放在快樂的事情上,盡快逃出失戀時要生要死的日子先啱呀!

LOAD MORE