失戀後切忌做傻事!

By COSMO

好多人被飛之後,就會來個失戀幾部曲,次次都重複做某幾件事,其實真係好無謂又老土!

玩塔羅牌
玩完又玩,直到聽到自己想聽的答案為止,其實代表你唔接受現實。

大喊口號
「我要靚!」、「我要減肥!」、「我唔會衰俾佢睇!」其實分咗手,對方未必得閒留意你。但當然你要令自己變得更好係好事,但唔係為咗佢囉!

剪頭髮
成日話剪走三千煩惱絲,但通常喺衝動下轉換形象,效果未必好。

突然變古人
終日吟詩作對,將「我由天堂跌咗落地獄」、「愛情就好似一杯水」等老土對白搬哂出來。

變怨婦
日日喺Facebook喪post慘情歌或歌詞,驚死無人知你有幾傷心,個人有幾感觸。

借酒消愁
借啲意打俾ex,再勁打俾朋友,講自己飲完酒有幾辛苦、有幾傷心,將痛苦如病毒般散播開去。

LOAD MORE