男友同女仔出街,我要大方啲?

by Karen C.

好多時聽到朋友話男友同女性朋友單獨出街或食飯,心裏雖然超級唔想,但又無得阻止,以免男友覺得佢管住哂。這個問題,應該發生在不少女生身上吧?

其實,呢個世界上的人唔係男就係女,好難控制他的朋友同事全部都是男生,你自己亦不會只有女仔朋友吧。雖然我們身處於花花世界,但男同女之間點都會有純友誼,兩人相處最緊要坦白,有咩咪開心見誠講出嚟囉!你可以同男友講明,不介意對方單獨跟異性朋友去街,但要知道對方係咩人,而且男友亦要容許自己同異性朋友去街,咁先夠公平。

男友出去當日,如果你唔放心,可以耐唔耐send短訊俾佢,以關心的態度問佢幾時食完飯、唔好太夜返屋企,或者叫佢食完飯打俾你,分享一下趣事,咁樣唔會煩到佢之餘,又可以從中了解那位女生是甚麼人啦!

其實,你的男友要偷食的話,佢可以用盡一切方法去呃你,就算你阻止佢同女仔出街,佢個心都可以飛走。所以,與其成日擔驚受怕,不如做一個大方女友,相信你的男友,相信自己。

LOAD MORE