同朋友各取「性需」 男人最So!

by TEXT:韋寶

電影Friends With Benefits(戀搞好朋友)同No Strings Attached(枕邊冇情人)中,男女主角由朋友變成一對有性無愛的男女朋友,最後戲劇性地愛上對方,有情人終成眷屬。
如果你單身,好耐無拖拍,又想試下同朋友開展呢種關係,真係要諗清楚,千萬唔好被電影嘅fantasy蒙蔽,點解?因為:
 
1) 既然男人唔需要為你做任何嘢、又唔需要有任何commitment,你已經隨傳隨到,兼隨時可以同你有性關係,又點會無啦啦同你拍拖?
  
2) 如果你係男人,又會唔會揀一個可以在沒有感情基礎嘅情況下,同朋友發生性關係的女生做女友?呢個涉及到信任問題呀!
 
3) 就算真係最後發展成情侶,你會唔會成日提心吊膽?驚佢同你一齊嘅時候,有另一個Friends With Benefits?
 
所以,諗清楚著數嘅到底係邊個,尤其女生比較容易動情呀!仲有,千萬不要揀你對佢有意思的人開展呢種關係,更加要小心之後難以搵到男友!你知啦,男人好忌女友俾人感覺隨便嘛。
LOAD MORE