編輯分享:試用M.A.C 修眉服務

by double p.

小小嘅兩條眉毛其實可以好影響成個妝容同輪廓架,所以「修眉」呢一步唔可以馬虎,如果自己亂咁嚟修眉,仲可能令眉毛起角、崩咗,或者唔balance!(咁就oh no了!)而最近我就去咗試用M.A.C嘅修眉服務,整體感覺良好,值得推介俾大家啊!

首先俾大家睇下我本身條眉。對上一次修眉大慨已經係3-4個月嘅事了,平時都有自行修修眉毛外圍嘅雜毛,但係眉形其實唔太順眼,略嚴眉峰位有「起角」嘅趨勢,會俾人有啲兇嘅感覺架!

編輯分享, 試用, M.A.C, 修眉服務, 修眉

編輯分享, 試用, M.A.C, 修眉服務, 修眉

咁最後,終於,我就去M.A.C到修眉,等我分享下有幾多個step同大約做幾耐啦!

編輯分享, 試用, M.A.C, 修眉服務, 修眉

修眉服務全長45-60分鐘,視乎個別眉毛情況而有所唔同。首先彩妝師先用支筆同我解構我眉毛嘅形狀、同輪廓嘅對稱度,仲會先詢問我偏好邊類眉形。配合唔同嘅臉形,可以修飾為起角眉、微微起角眉、直眉或圓眉等。同彩妝師商討後,我哋都認為韓系眉形較好,但不易太幼,而眉峰亦會移後少少。

編輯分享, 試用, M.A.C, 修眉服務, 修眉

然後第二步就係用白筆起稿,勾劃眉形,白框外嘅眉毛就會修走。

編輯分享, 試用, M.A.C, 修眉服務, 修眉

彩妝師就用眉鉗同鉸剪開始修眉,過程就好似平時修眉咁有少少刺痛,但係彩妝師嘅手勢的確唔錯,快又準!

編輯分享, 試用, M.A.C, 修眉服務, 修眉

編輯分享, 試用, M.A.C, 修眉服務, 修眉

我覺得修出嚟嘅效果好自然,好時尚,最緊要係唔會修到唔balance。最後修眉師幫我畫返條眉,仲就住我條眉嘅特徵(後部、眉頭較稀疏,眉前半段又算濃密),教我畫條自然靚眉!成個過程都好愉快,一邊修眉,一邊同彩妝師閒談,仲不時同我分享修眉tips,服務真係唔錯啊!

編輯分享, 試用, M.A.C, 修眉服務, 修眉

編輯分享, 試用, M.A.C, 修眉服務, 修眉

編輯分享, 試用, M.A.C, 修眉服務, 修眉

M.A.C修眉服務
價錢:$150(單次服務);$750(6次服務套票)

LOAD MORE