自拍控召集!「美圖秀秀」專屬香港的城市濾鏡

by Tina Chong

出街要自拍、去旅行要自拍、連簡單食個飯都要自拍,香港人可以話係超熱衷於自拍啊!除咗必要嘅「美圖秀秀修圖app之外,佢嘅旗下自拍app「SelfieCity潮自拍」都好值得留意,唔少名人如:任家萱Selina、楊謹華同網絡紅人杜小喬都有試玩!

自拍, 修圖app自拍, 修圖app

自拍, 修圖app

「SelfieCity潮自拍」呢個app最近仲推出咗專屬香港嘅城市filter「香港映像」,將香港唔同地區嘅特色融入濾鏡中!

「香港映像」系列一共有7款主題濾鏡,色調方面運用咗來自香港獨有景觀、文化特色嘅創作靈感,仲用咗香港經典電影同地方嚟命名。講多無謂,等小編即刻為大家介紹吓!

自拍, 修圖app自拍, 修圖app
《花樣年華》呢套電影相信好多人睇過,呢個filter嘅特色就係用褐黃色嘅色調營造出50年代復古電影味道。位於灣仔嘅藍屋係香港一級歷史建築。而「藍屋」呢個瀘鏡就用藍紫色嘅色調去製造冷感嘅氣氛,非常型格!
自拍, 修圖app自拍, 修圖app
「中環碼頭」呢個filter就係以帶透明感嘅淡灰嚟模仿充滿水氣嘅碼頭。香港話明有「東方之珠」嘅稱號,當然唔少得五光十色嘅霓虹燈啦。「旺角霓虹」呢個濾鏡都喺張相度添加咗呢種景況啊!

自拍, 修圖app

「離島足跡」個感覺就有啲似膠片風格,成張相嘅整體色彩都好鮮明。

自拍, 修圖app

蒲人最愛嘅地點──「蘭桂坊」就有3D迷幻效果,充滿驚喜!

自拍, 修圖app

而小編最愛嘅可以話係「太平山下」呢個filter,佢簡單容易咁做出重曝效果,個app用咗70年代本地居民建築同維多利亞港夜景作為背景,用家可以揀3種唔同嘅重曝效果,超具時代感!大家都可以download落嚟selfie下!

LOAD MORE