普通朋友vs死黨3個大不同!

by Tina Chong,edited by韋寶

普通朋友, 死黨, 知己, 朋友相處

知己難求,所以真係要好好珍惜你嘅死黨呀!喺以下呢3個情況下,普通朋友同死黨嘅反應都會非常唔同,邊個係普通朋友,邊個係你死黨,一睇就知!

出醜時

普通朋友:其實好想笑,但礙於其實同你唔係好熟,笑得太大聲又好似唔好意思,所以嘗試忍笑,同埋安慰吓你之後就扮無嘢。

死黨:喺大家面前勁大聲咁笑,甚至會拎埋電話出嚟影低你嘅「醜態」,出醜後24小時內都會不斷「抽水」講返你件尷尬事。

普通朋友, 死黨, 知己, 朋友相處

嗌你嘅方法

普通朋友:通常都會叫返當時自己介紹嗰個名,例如:Beatrice、Wendy、阿敏等等,無乜特別。

死黨:死黨就一定會嗌你全名,又或者嗌啲有「特別意思」嘅花名,通常都係同你嘅身形或者嗜好有關!

普通朋友, 死黨, 知己, 朋友相處

有心事時

普通朋友:多數唔會察覺到你唔開心,繼續同你有講有笑。

死黨:當你有心事時,就算你乜都未講,佢都已經立即feel到,而且佢輕則會同你傾電話傾通宵,重則即刻去你屋企樓下買定兩罐啤酒,一齊傾,一齊喊。

LOAD MORE