幫男友抱不平?先考慮這3點!

by juju

兩性相處, 男女關係, 拍拖注意事項

「成功男人背後嘅女人」 大家就聽得多,但係有無都見過下喺「(唔知成唔成功嘅)男人前面嘅女人」?即係成日驚住男友蝕底、自告奮勇咁企喺佢前面幫佢喊陣殺敵嘅類型?女生為咗另一半企到最前,有時反而係幫倒忙。

今時今日,情侶間嘅生活圈子好容易重疊,包括朋友圈、工作圈,女生聽聽埋埋男友生活中嘅種種抱怨,認真起嚟,就會覺得男友俾人「恰」都唔出聲、太善良,於是替佢抱不平,因而可能會做出以下行為:

兩性相處, 男女關係, 拍拖注意事項

1. 公開替男友抱不平:喺facebook status度狂呻,甚至指桑罵槐。

小提醒:

*喺公開網絡平台講呢啲,唔知有邊個會睇到,或者唔關事嘅人誤會咗俾指摘嘅係自己,隨時累咗男友。

 *唔知頭唔知路嘅人,可能只會覺得「呢個女子都幾麻煩」。

兩性相處, 男女關係, 拍拖注意事項

2. 親自接觸提出要求:由於本身都識晒男友嘅合作夥伴,所以自己直接打電話了解或者代男友提出申訴。

小提醒:

*男友私底下同你呻,有時只係想發洩下感受,未必係要人出手相助,最好事前問過佢先。

*被接觸嘅人可能從來無諗過夥伴身邊嘅女人會講呢啲,覺得私穩被侵犯,唔知點反應。

兩性相處, 男女關係, 拍拖注意事項

3. 事事替男友出主意:因為覺得只有自己先明白男友嘅個性、處境,佢做嘅每件事都幫佢策劃、諗橋,務求為佢爭取最大嘅利益。

小提醒:一個人有自己嘅工作圈、朋友圈,如果仲要打理埋另一半嘅生活圈,好易搞到自己疲於奔命。

LOAD MORE