有苦自己知!8個gathering搞手的辛酸

by Tina Chong,edited by 韋寶

生活,聚會,gathering,約會搞手

平時成班friends約埋出嚟聚吓舊、傾吓心事固然開心,但呢啲聚會之所以搞得成,背後往往都有個好偉大嘅搞手,究竟呢啲搞手喺籌備聚會嘅過程中有啲咩辛酸史?

生活,聚會,gathering,約會搞手

1. 喺WhatsApp大group邀請朋友嘅時候,通常得幾個活躍分子覆實,其他人就只以藍剔「回應」,連去定係唔去都唔會覆。(其實未出更表 / 可能嗰日要做嘢都可以講一聲。)

生活,聚會,gathering,約會搞手

2. 有人答完遲啲覆之後,其實佢並唔會主動覆返嚟唔嚟,意思即係兩三日後、甚至1-2星期後,搞手又要再問多一次。(仲有可能都係被藍剔嘅!)

生活,聚會,gathering,約會搞手

3. 約食飯嗰個時間就嚟就去都夾唔到,有啲堅持要平日嘅夜晚,有啲就話週末嘅夜晚會好啲,最後都係約唔到。又或者,最後搞手要再彈幾個日子出嚟俾大家填嚟唔嚟先約得到。

生活,聚會,gathering,約會搞手

4. 喺group度俾咗幾個晚餐選擇大家,例如:打邊爐、唱K、韓燒,問大家想食咩係無人應嘅。之後要再揀好啲餐廳,再send啲餐廳嘅link出嚟俾大家投票。(仲要得兩、三個會投......)

生活,聚會,gathering,約會搞手

一唔係,就有人會話唔想去呢區、唔想去嗰區食,但又唔會一早講,往往係搞手已經搵晒、send晒餐廳資料俾大家揀嗰時先講,於是佢要重新再search過啲餐廳......

生活,聚會,gathering,約會搞手

5. 好喇,終於揀好食邊間餐廳喇,邊個book位呢?都係偉大嘅搞手。

6. 另一個情況係,一開始問哂大家意見想食啲咩、想玩啲咩無人應,但聚會完咗之後又會聽到朋友對聚會嘅小怨言,例如:太貴、食物唔好食、地點唔方便等等。

女人, 心理, 女性心理健康, 生活貼士, 自我, 女性 自我, 心靈, 做自己

7. 最慘就係莫過於約好哂,但嗰日嘅下午先有人喺group度講話嚟唔到,一個話唔嚟就大家都唔出嚟,最後聚會變「流會」。

生活,聚會,gathering,約會搞手

8. 辛辛苦苦搞完一次,心諗下次會有第二個搞,但最後喺無人肯搞 / 無人得閒搞嘅情況下,你又再次被「推舉」為下次聚會嘅搞手。

所以呢,大家要好好對待gathering嘅搞手,其實有啲位幫手問下大家,或者幫手book位,搞手已經好感動架喇!

LOAD MORE