洗掃全攻略!

by lulu T. edited by Karen C.

洗掃全攻略

化妝掃係好貼身嘅用品,每次化妝都會接觸到皮膚,所以一定要好好保養,清洗功夫點都唔懶得,每日使用嘅化妝掃,至少應該每星期清洗一次,唔常用的,都要最少兩星期洗一次呢!好多化妝品牌都有推出專用嘅化妝掃清潔液,價錢由幾十到幾百都有,如果想慳錢,可以用卸妝水或洗頭水代替;想天然一點,又可以用橄欖油。洗掃方法有好多,最重要係洗得乾淨,不同種類嘅化妝掃清洗時都有要注意嘅地方。

大掃(碎粉掃、胭脂掃、陰影掃)

如果用化妝掃清潔液來洗大掃,好快就用晒一支,而大掃多數都係用動物毛來製造,因此可以用洗頭水洗,再加上護髮素,洗掃後毛質仲可以keep住順滑。

步驟:

  1. 準備一杯水加入少量洗頭水攪拌至起泡。
  2. 放入化妝掃,在水中輕輕攪動並按壓掃頭,令掃毛中殘留的化妝品溶入洗頭水中。
  3. 之後準備另一杯清水,同樣以攪動的方式過水,水太污濁時,再換一杯清水洗,直至洗不出顏色來。
  4. 沖乾淨洗頭水後,再塗上護髮素及過水,直至流出的水變成透明。
  5. 洗淨掃後,用較厚的廚房紙將掃內大部分的水分吸走,再將它們平放晾乾,否則掃會散發異味。

[閱讀更多]唔知係咪對電腦太多,對眼竟然越來越細?

洗掃全攻略

細支嘅動物毛掃(眼影掃、眉掃)

由於掃頭較小,可以用簡便的方法清洗。

步驟:

  1. 準備一塊唔會起毛嘅化妝棉。
  2. 倒少量卸妝水落化妝棉,將掃子輕輕在上面擦,化妝品便會自動脫落。
  3. 太污糟的話,可換另一張化妝棉,直至擦不出顏色。
  4. 最後用水沖洗乾淨,印乾水分,平放晾乾。

[閱讀更多]打造不同風格眼妝!CHANEL最新眼部彩妝系列

洗掃全攻略 

細支嘅纖維掃(唇掃、遮瑕掃、膏狀眼線掃)

唇膏、遮瑕膏等產品的油分重、黏性高,要徹底清洗,必須使用較為強力的卸妝油,亦可嘗試用橄欖油來清洗,橄欖油具強效卸妝功能,能有效清除掃上油性化妝品。

步驟:

  1. 倒少許橄欖油在廚房紙上,將化妝掃來回在廚房紙上掃。
  2. 預備一塊百潔布,濕水,然後倒少許洗頭水在海綿那邊,加水,將化妝掃在百潔布上來回輕力地掃,在百潔布不平的表面上刷,比在手上或紙巾上刷更能清潔掃上污垢。
  3. 沖水後重複動作至泡的顏色變至全白色
  4. 用廚房紙印乾水分,再將它們平放晾乾。
  5. 細掃面積較小,不用使用護髮素。

 

洗掃全攻略 

另外,洗掃時,以下幾點必須注意:

  1. 浸洗化妝掃時,水位不宜過高,最好在掃子的根部下,因為掃子的根部有膠水黏住,若水分浸透此處,膠水會失去黏力,掃毛便會脫落。
  2. 使用護髮素後,記得過幾次水至沒有滑潺潺的感覺,確保掃上沒有殘餘的護髮素,否則掃毛會糾結。
  3. 把化妝掃印乾時,要順便將化妝掃整理番本來既形狀,否則容易變型。
  4. 切記不要把化妝掃豎直,這樣做會令毛髮開叉。
  5. 千萬不可日曬,紫外線會破壞毛質。

 

[閱讀更多]編輯試用:去角質產品大測試!

LOAD MORE