有刨冰!$108泰式afternoon tea

By COSMO

Mango Tree圓方店推出全新嘅Thai Refresh Summer Afternoon Tea,呢個Afternoon Tea最正係有唔同組合俾你揀,想食多啲食少啲,可以自己決定!而且呢個Afternoon Tea有刨冰,坊間較少見呀!

你可以選擇小食或甜點拼盤+刨冰或沙冰(每位$98),又或者小食+甜點拼盤+刨冰/沙冰(每位$128)。
另設加一服務費

刨冰/沙冰共有五款俾你揀嘅,包括香芒糯米飯刨冰、三色沙冰、椰汁涼粉刨冰,珍多沙冰及菠蘿雜莓刨冰(左至右)。

當中小編最愛係香芒糯米飯刨冰,糯米飯變身刨冰已經夠特別,入面仲有泰式西米同芒果,口感好豐富好好味呀!

至於菠蘿雜莓刨冰係小編嘅第二最愛,因為唔係成日食到菠蘿味刨冰,而且加埋入面啲生果,色彩非常豐富,影出嚟最靚仔就係佢啦!

而三色沙冰都好唔錯,因為比起前兩者佢就無咁甜,如果唔好甜嘅可以揀佢,飲落係椰汁味嘅!

小食拼盤有4款鹹點,包括彈牙泰式炸蝦餅、香口脆炸雞翼、嫩滑班蘭葉嫩雞卷及牛肉沙嗲。當中蝦餅堅係彈牙、嫩雞卷夠香口,而牛肉沙嗲就好惹味!

以粉紅色為主題嘅甜點拼盤有士多啤梨千層糕、粉紅椰青果凍,以及全新嘅士多啤梨慕絲泡芙或紅桑莓果醬蛋糕。當中士多啤梨千層糕好香班蘭椰汁味,食食下會滲啲士多啤梨味出嚟,而且口感非常煙韌,小編食多幾件都得呀!

紅桑莓果醬蛋糕

士多啤梨慕絲泡芙

Mango Tree Thai Refresh Afternoon Tea
供應日期及時間:即日起每日3pm – 5:30pm供應 (只限圓方店供應)
地址:尖沙咀柯士甸道西一號圓方2樓2032號舖
訂座電話:2668 4884

LOAD MORE