多才多藝!真女神周慧敏

by 韋寶、圖片來源: 周慧敏 Vivian Chow Facebook專頁

稱周慧敏(Vivian)為女神,相信無人會有異議。48歲嘅佢keep得超好,完全睇唔出佢嘅真實年齡!
圖片來源: 周慧敏 Vivian Chow Facebook專頁

最近剪咗一頭短髮嘅佢,睇落仲更加年輕添!

而最令小編佩服嘅,係Vivian非常多才多藝 :
最近Vivian喺社交網站表示自己寫咗兩首曲,其中一首係為電視劇《瑪嘉烈與大衛系列綠豆》所作嘅《尋找消失的過去》。

記得小編睇《瑪嘉烈與大衛系列綠豆》時,一聽呢首歌時已經覺得超好聽,主唱黃劍文亦演繹得好好,所以小編一直期待聽晒成首架!而首歌嘅MV出咗後,喺社交網站都有好多人share呢首歌!

除咗識作曲,Vivian仲識彈琴,佢曾經喺社交網站分享佢彈《最愛》嘅片段。

Vivian除咗識音樂,仲識畫畫,圖中就係佢嘅作品《畫筆下的毛孩兒》,以水彩畫出佢第一隻狗狗豬仔 。

Vivian喺社交網站表示 :「繪畫是為興趣,自知距離專業水平還很遠,也實在有太多進步的空間,談不上有甚麼技巧,我在這裡貼畫是為了與大家分享自己寫畫時的一些心情而已。這幅水彩畫叫《舊居》,畫的是大澳棚屋,已是十幾年前在放悠長假期時的作品。」

呢幅畫同樣係出自周慧敏之手,名為《後巷》,係2002年香港油尖旺風情水彩畫邀請展作品嚟。

而周慧敏畫水彩畫之前,仲試過畫國畫。Vivian喺社交網站表示 :「相信每個初學者,都經歷過臨模大師畫作的階段,我當時也不例外。剛整理電腦檔案,找出我的第一張國畫臨模習作,生平只此一次畫花。」

一齊睇下周慧敏以前啲相,圖中為攝於1992年《如果你知我苦衷》MV拍攝現場,周慧敏旁邊為古巨基太太Lorraine。

張國榮與周慧敏

黎明與周慧敏

LOAD MORE