容易俾位男友搵小三嘅3個弱點!

by hey hey

男人搵小三,輕則俾朋友圈譴責,重則俾全城唾罵,偷食男固然唔要得,最激心係個正印其實條件不知幾好,咁先令人戥佢哋唔抵!男人走去偷食,未必因為女友唔夠好,而係睇中女友一啲弱點,先咁不顧後果!以下幾種情況較易俾人乘虛而入,CG!們要注意喔!

<<從戀愛中學習人生4大課題!>>

弱點1:成日問佢係咪鍾意第二個 
有啲女生日日都問一次,以為咁可以令自己安心啲,但會適得其反,因為咁樣代表女友唔信佢,成日問長問短,指控佢一啲佢無做過嘅事,結果佢不如索性如你所願,反正佢本來就日日都俾人咁樣懷疑。

情況就好似一個小朋友成日俾父母話佢曳,結果佢真係會好曳,因為&hellip;&hellip;係你哋話架嘛!

弱點2:情緒多起伏
女生好多時都攞正牌扭下計、鬧脾氣,但如果太鬆懈,以為男友明架啦,久而久之,會令身邊嘅男人相處時要步步為營,怕自己講錯說話、做錯嘢,成日都好唔自在,結果令佢開始想喺出面其他地方搵舒適感。

<<約會前必睇!3招令對方留下好印象>>

弱點 3:拒絕親密
「拍拖初期就打得火熱,後來變咗老夫老妻就開始減少親密環節」,呢種情況好多女生都覺得無乜嘢,但男生就唔係咁諗,就算女友已經無以前咁悉心打扮、無咁嗲、無咁客氣,佢哋對呢個環節係唔會厭嘅;

對佢哋嚟講,件事係由有變成無,或者等過時過節先被「賞賜」一次半次,佢哋會覺得自己似塊發霉爛毛巾,為咗挽救一點一滴流逝緊嘅自信心,佢哋好可能會選擇「挺而走險」&hellip;&hellip;

講到呢度,CG!們應該都知道要點做,先可以減輕男友出軌嘅機會,但係除咗做好自己本份,都要提防一下身邊可能引誘到男友嘅女生,詳情即睇:
提防容易做小三的4類女生!

LOAD MORE