心理測驗:測試你的得罪人指數!

by TEXT:juju edited by double p.

人生在世,同人相處,唔小心得罪人係在所難免(:P),但係如果會重複犯錯,就可能同個人性格有啲關係,不妨了解下自己,睇下係咪可以預防到,盡量減少啲磨擦囉!

心理測驗:測試你的得罪人指數!

假如朋友唔小心,真係唔小心整爛咗你心愛嘅珍藏品,你會?

假如朋友唔小心,真係唔小心整爛咗你心愛嘅珍藏品,你會?

A. Let it go啦,呢啲都係身外物,當係上天嘅安排囉。

假如朋友唔小心,真係唔小心整爛咗你心愛嘅珍藏品,你會?

B. 真係忍唔到,點都會發啲脾氣先洩到心中憤怒。

假如朋友唔小心,真係唔小心整爛咗你心愛嘅珍藏品,你會?

C. 叫佢賠囉!

假如朋友唔小心,真係唔小心整爛咗你心愛嘅珍藏品,你會?

D. 死忍住唔發火,當自己當黑啦!

分析:揀A,得罪人指數-10。

喺同人相處中,你最睇重人嘅價值同尊嚴,所以喺處理事情上,你首先著眼嘅係人嘅價值同感受,從人出發去衡量得失,所以你嘅人際關係應該都好圓滿下,因為你識尊重人,人哋都好肯尊重你、體諒你。

你嘅得罪人指數較低,就算真係偶然得罪人,都係一時意外啫。

分析:揀B,得罪人指數-70。

你係好需要安全感嘅人,而一啲摸得到、睇得見嘅嘢會令你覺得比較實在,你唔係故意忽略人嘅重要性,但係純綷情感上嘅支援,俾唔到你百分百嘅安全感。

你對於人際關係嘅輕重拿捏唔係好清晰,就算唔係有心想樹敵,都會唔小心咁累積咗一啲敵人喺身邊,想改善呢個情況,記得時時提醒自己俾多啲尊重嘅感覺人哋,多啲溝通,俾人明白你多一點點。

分析:揀C,得罪人指數-50。

其實你睇人好平等,喺你眼中,無乜人係特別強勢或弱勢,大家都係咁高咁大,所以你通常都會用比較客觀嘅態度去處理人同事,但係成日都以事論事,有時少不免會俾人不近人情嘅感覺,遇着一啲個人意識較強或習慣講關係嘅人,你嘅處事方式可能會令佢哋覺得你唔俾臉、冷漠,就算佢哋表面無乜嘢,但心裏可能都會有條刺。

想減低得罪人指數,處理一啲衝突時,不妨圓滑少少,有時講多兩句安撫嘅說話。

分析:揀A,得罪人指數-30。

你好怕衝突,處理衝突會為你帶來巨大嘅心理壓力同負擔,所以你寧願自己退幾步,都唔想面對同人敵對嘅場面,就算你心裏面覺得幾委屈都好,你都唔想表現出嚟。

不過你咁樣長期屈埋屈埋,自己會內傷㗎!而且你可能會慢慢選擇同人保持距離,以為減少接觸就可減少磨擦,但係咁樣可能反而會令你變得更孤立無援。咁你又唔使變身友誼先生/小姐嘅,放多啲心思喺自己信賴嘅朋友圈度,已經可以俾到唔少有力量嘅精神支持你!

LOAD MORE