港姐:等待會快樂,但不能奢求會有快樂的結果!

By COSMO

港姐:

是咁的,我同女仔A係入大學時識嘅,嗰陣佢未拍過拖(讀男女校,乖女嚟),而我就有一個當時放唔低嘅前度。我哋住同一個宿,當然唔係同房啦,亦都有一齊玩同一個sport team,算係日對夜對,對佢好有好感,可惜當時我冇追到佢,始終心中有條刺嘛。

半年後我剛剛放下,佢就開始咗佢嘅初戀,佢嘅男友B初頭好好,可惜拍拖大約一年半後出咗軌,呢啲事當然好傷到A嘅心啦……

而家係第三年啦,又係同一座宿,佢分手後都有時搵我傾感情, 我哋有時都會傾吓生活小事,一齊食吓飯。我都唔係鍾意足佢三年嘅, 大概九個月前先開始將心機放返喺佢心上,不過一直保持朋友關係。直至幾日前我同佢告白,佢都係話佢放唔低阿B,對任何人都冇感覺。但佢又同我啲女性朋友講,覺得我好好,好體貼,同我相處好窩心自然。

其實我係咪只可以等時間沖淡,同時一直做住朋友去等佢?

心急人上  

心急人:

覺得你很好、很體貼、與你相處很窩心自然,這其實不代表甚麼,覺得你好不代表會愛上你。所以你也別幻想太多、期待太多。 

若然在她身邊當朋友、暗暗等待,這些會令你覺得快樂,那有何不可? 

可是,在等待的同時必須先明白一點:到底對方放底前度後是否就會對你產生感覺,沒有人會知道,連當事人都不會知道,因為感覺是無法自己控制的。因此,要等也只是你個人的事,不要以為只要等就一定會等到。

你只能求等待的過程令你快樂,不能奢求必定要會有快樂的結果。

港姐

港姐(JPG)

 

港姐,一名八十後港女人格分裂而出現的角色,深信無論男女,人人心中都有一個開不了口的港女。虛構但真實、嘴賤但心軟。是悲觀的樂觀主義者、現實的浪漫主義者。不懂花言巧語,只知實話實說。

 

 

**如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!

LOAD MORE