男生眼中的性感!

by Text: juju

男生眼中嘅性感其實都幾多元化嘅,好似以下所講嘅,其實唔少男生都覺得好性感:

1.鎖骨:男生唔係淨係識得睇「肉地位」,好似鎖骨呢個位無乜肉喇掛,但係男生都會好鍾意睇呢個位,可能因為呢個位極近頸部,而頸部代表咗敏感部位。

而且當人呼吸急促時,鎖骨位會郁動起伏,大概就係咁樣而性感咗 (唔好心邪,做運動都會令人呼吸急促:P)。

2.唔化妝:好多女生都聽過男生話鍾意女生唔化妝 / 化淡妝,其實除咗佢哋對「清新」有啲幻想之外,都有實際嘅原因嘅:

試想像你係唔會化妝嘅男生,當你一下鍚埋去女友個嘴度時,就被黐上厚厚嘅唇膏,你會唔會覺得個感覺唔多好?

又或者攬完你之後,佢發現自己件淺色衫有多處粉底漬,又真係幾無奈嘅。

3.Oversize衫:有無聽過男生話冬天時女生著超大碼冷衫好性感?如果你喺屋企時著住鬆身Tee,又或者係鬆身嘅白色恤衫,佢哋應該都會覺得性感!

因為你顯得好放鬆好自在,呢個時候嘅女生同專心做緊嘢嘅男生差唔多,都會散發出一種特別嘅魅力!

LOAD MORE