好pink呀!周日粉紅早午自助餐

by 韋寶

呢個周日粉紅早午自助餐好矜貴,因為8月同9月分別都只係得一日食得到!而成個早午餐最特別嘅,就係以紅鶴同粉紅色嘅甜品為主題,同埋有好多唔同種類嘅美食,等小編逐一為大家介紹!

呢個即製燒烤專區有肉類同海鮮俾你揀,當中最吸引小編嘅係龍蝦同扇貝,因為烤得好香好惹味,小編食咗唔少!

忌廉泡芙以紅鶴造型登場,影相呃like必備!

回本必食嘅生蠔非常新鮮。

仲有多款冰鎮海鮮,好似帝王蟹腳同麵包蟹等。

另一推介係呢度嘅牛角包,開頭都驚食包會好快飽,但佢個樣實在太誘人,最終小編喺走之前夾咗一個嚟試:嘩好彩有試,酥脆得嚟好有牛油嘅香味,簡直係回味無窮,堅想食多幾個呀!

芝士控一定好開心,因為有好多唔同種類嘅芝士!

主菜方面,會視乎當日有咩新鮮食材而定,而小編當日就有和牛鵝肝漢堡、日本大和豬扒(yamato pork chop)及味噌鱈魚以供選擇。

小編試咗前兩者,當中日本大和豬扒係小編嘅心頭好,因為呢款豬扒嘅肉質好有咬口,肉味幾香,味道有少少似中式嘅燒肉咁,不過唔會好肥膩!

唔好錯過呢度嘅粉紅白朱古力噴泉,因為……

呢度啲士多啤梨好新鮮好甜呀!

此外,仲有多款粉紅色嘅甜品,包括紅莓杯子蛋糕及流心芝士撻等。

刺身方面,就有甜蝦、三文魚、北寄貝等。

仲有仲有,呢個周日粉紅早午自助餐可以另加HK$250 無限暢飲Moët & Chandon 玫瑰香檳及雞尾酒。(價目另收加一服務費)

呢個自助餐有兩個供應地點,包括圖中嘅WHISK。

又或者係喺WHISK出面嘅Vibes 露天花園酒廊。

頭盤

供應時間:2016年8月14日及9月11日中午12時至下午3時供應
地址:尖沙咀彌敦道118號The Mira Hong Kong 5樓WHISK及Vibes
電話:2315 5999
價錢:HK$638 / HK$398 (成人/小童) 無限暢飲汽水及果汁
另加HK$250 無限暢飲Moët & Chandon 玫瑰香檳及雞尾酒(所有價目另收加一服務費)

頭盤

LOAD MORE