引死人!特色龍蝦美食+綠茶甜品

by TEXTl韋寶

呢度有兩樣嘢吸引咗小編嚟嘅,就係多款各有特色嘅龍蝦美食,同埋會由藍變紫嘅夢幻飲品,小編嚟到後仲發現而家店家有綠茶甜品添!

首先小編要介紹嘅係每日限量供應嘅龍蝦匯(採訪當日為$398,現已加價為$428),佢一共有3款龍蝦美食,小編覺得兩個人share啱啱好!

龍蝦匯嘅3款美食中,小編最愛係lobster roll(單點$188),個包脆身得嚟富牛油香,龍蝦足料又鮮味,個檸檬牛油醬唔會好膩,加埋邪惡嘅薯條,係好滿足嘅!

而龍蝦什錦海鮮石鍋湯烏冬/飯上枱嘅時候係好震撼,因為滾熱辣嘅造型真係引死人!好鍾意影美食嘅小編表示,呢個一定要拍片!

入面有嗚門卷、蟹柳及青口等,至於個湯就係以龍蝦殼餚製而成。

最後就係烤蒜蓉牛油龍蝦(半份),隻龍蝦好好肉,而且烤得幾香口!以上3款龍蝦美食都係$398*,小編覺得價錢係合理嘅!提多一次,龍蝦匯每日係限量供應架!
*(註: 採訪當日為$398,現已加價為$428)

另一推介係炸雞翼配龍蝦芝士汁($78),個汁係以龍蝦汁、Mozzarella cheese同車打芝士製成,就咁睇都見到好多芝士吧!

而雞翼本身加咗檸檬皮,所以食落好香檸檬味,非常fresh,可以中和返雞翼同個汁嘅油膩感。

呢杯係小編之前提過嗰杯會變色嘅夢幻飲品Homemade master magic soda(採訪當日價錢為$88,現已加價為$98),呢個咁靚嘅藍色係嚟自天然嘅蝶豆花,下一張相,你就會見到佢變咗紫色啦!

將試管入面嘅檸檬汁倒入去後,佢就由藍色變成紫色!飲落係檸檬味嘅,非常清新,而且咁大杯,兩個人share都夠!

此外,小編仲試咗Matcha Popcorn ($48) ,佢係沙冰嚟,飲落綠茶味怡到好處,最正係唔會好甜,仲有幾粒爆谷添!

綠茶甜品係期間限定嘅,圖中呢個係綠茶蕨餅、綠茶雪糕及水玄餅($78)。

至於呢個,就有宇治金箔綠茶布甸,綠茶比利時窩夫及綠茶雪糕($78)。

最後一個組合,係以白玉串、布甸、綠茶蕨餅及綠茶雪糕等組成($78)。

Master Kama

地址:銅鑼灣謝斐道500號維安商業大廈3樓
電話:3421 2129

Master Kama 
地址:銅鑼灣謝斐道500號維安商業大廈3樓 
電話:3421 2129

LOAD MORE