天氣熱個妝好易溶,唔想成日補妝,可以點預防?

By COSMO

香港天氣熱得嚟仲要濕,喺室外一陣,汗水加上面油令個妝好易溶,但長時間留喺冷氣地方,個妝一樣會溶掉。

對皮膚來說,最適合嘅濕度係60-70%,但一直開住冷氣,空氣濕度成日會降低到20%以下,皮膚覺得乾燥就會拼命分泌皮脂。所以要解決溶妝問題,重點係去油保濕。

首先,朝早要養成用潔面產品洗面嘅習慣,好多人以為睡一覺皮膚唔污糟,早上只用清水洗面,其實夜晚瞓覺時皮膚都會分泌油脂,尤其晚上會開住冷氣瞓,早上皮膚出油情況更嚴重,所以必須徹底潔面,洗去多餘油脂;然後塗上保濕精華,保持皮脂及水分平衡,個妝就可以keep得好啲。

<<閱讀更多>>6個夏日保濕方法!

另外,留意化妝品都需要隨季節更換,否則夏天仲用冬季專用粉底,面上就容易出油整花個妝了。

LOAD MORE