俾男友投訴 ? 粗心大意女生必讀4件事

by Juju

一般嚟講,大家都認為女生通常都比較細心,不過其實粗心大意並唔係男生嘅專利,女生都可以幾粗心大意㗎,例如成日帶漏嘢、經常唔見雨遮、電話、唔記得啲咩紀念日、唔識睇男友眉頭眼額……有時仲會俾男友投訴添!

如果你係粗心大意女生:

1. 唔好用「話返男友轉頭」嚟轉移視線,咁樣做可能只會將啲不滿越積越深。

2. 平時靜心留意男友同你嘅互動,佢哋好少會直接話你知佢想要咩禮物,但係同你一齊時,總有透露過一啲蛛絲馬跡,例如佢係一個好少亂買嘢嘅人,同你行街時,佢攞起一樣嘢睇完又睇,甚至試埋上身,即係其實佢都幾鍾意嗰樣嘢囉。

3. 諗真啲男友話你嘅嘢成唔成立,如果真係自己衰咗,就要同對方道歉,提出補救方案。

4. 有粗心大意呢個「特性」嘅人,當然明白「唔細心又唔代表唔愛你」呢個道理,不過佢嘅另一半就未必明得哂,與其逼自己由粗心變細心(唔係人人做得到),不如喺平時多啲主動去俾對方知道你着緊佢,打好基礎,咁到你大意發作時,對方就無咁易嬲你啦!呢啲嘢,粗心大意嘅男生都要做多啲呀!=p

LOAD MORE