3件可能只出現在A片的事

by juju

雖說世事無奇不有,有啲嘢睇戲就梗係好睇啦,不過喺現實中真係要「實行」出嚟,又係另一回事。好似A片呢回事,情侶一齊睇下可以增加情趣,但如果樣樣都企圖有樣學樣,真實效果未必會好似戲裏面咁浪漫、激情!好似以下呢3件事,其實只係A片嘅情節而已:

1. 毛髮異常整潔

電影:男女主角嘅下體、手腳通常都剃得極乾淨或極整齊,而且格甩底一定剃晒毛。

現實:下體唔會經常修剪,甚至從來唔修剪。至於腋毛、手腳毛,男生唔係個個會剃,女生喺冬天時亦未必有夏天時咁警覺,有時唔記得咗都唔出奇。

小貼士:其實毛髮本身對身體唔同部位提供咗保護作用,不過由於有啲部位露出嚟唔係咁美觀,好多人都會習慣剃毛,至於邊啲部位有需要修剪/剃乾淨,伴侶間不妨自己有個共識。

2. 男伴越大越滿足

電影:男主角們無論角色身份係送貨員、健身教練或毒男,佢哋都一個共通點,就係佢哋下體都一定有返咁上下size。

現實:乜size都有,呢啲嘢係天生架嘛。有時大過龍的話,有啲女生可能會驚驚添!

小貼士:陽具越大越能滿足對方可能係一個錯覺,好唔好feel好多時取決於伴侶間嘅感情狀況同合拍度。

3. 女伴一定有高潮

電影:女主角無論自願定唔自願,都一定高潮迭起,表情十足。

現實:自己本身都好想次次有高潮,但無奈唔係人人係咁,亦有啲人高潮時都表現得較含蓄嘅。

小貼士:即使唔係次次有高潮都可以享受性愛樂趣嘅,伴侶間最好大家開心見誠咁研究下令對方覺得好feel嘅方法,以提升達到高潮嘅成功率,亦唔好抱過高期望,要求次次都要有或者高潮可以維持好耐。如果想知有咩方法可以令你有機會有高潮,可以參閱:點樣先有高潮?

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE