愛妻號!陸永結婚五周年再向太太求婚

by TEXT:double p.

電視前搞笑幽默嘅陸永,返到屋企原來係一名好溫暖兼鬼主意多多嘅愛妻號,疼錫大女一穎同細女一心外,最近仲向太太Rainah送上大驚喜,慶祝結婚五周年紀念,甜到漏啊!

一家四口超級幸福,爸爸陸永忙住工作賺錢養家,都不時抽時間陪伴囡囡同太太。

陸永好錫兩個囡囡,就算幾攰都同佢哋玩,關係好好。

一有時間仲會去接囡囡放學,好溫暖呢!

之前《城寨英雄》熱播,一穎睇到朝霞慘死時,就伏喺爸爸陸永心口喊,陸永仲一齊扁扁咀添。

好男人就係愛鍚囡囡嘅同時,都唔會忽略太太嘅感受。陸永時不時都同太太Rainah去拍拖。

陸永不時喺網上高調放閃,向太太隔空傳情:「i love you」、「辛苦你了」、「i miss you」,好恩愛!

陸永:「巴黎就梗係正喇,但我又真係好掛住屋企,i miss u Rainah」身在外地都不忘向太太示愛,超sweet!

早前,陸永仲特意預備驚喜俾太太,準備好鑽戒、玫瑰花,叫齊親戚朋友,再向太太求婚。

太太Rainah:「突然一束花,突然一首歌,突然一隻鑽戒,突然一大班人,突然被求婚。」呢個五週年結婚紀念真係夠晒感人同驚喜喇!

關係需要維繫,唔吝惜地向另一半表達愛意、為佢製造驚喜、幾忙碌都抽時間陪佢同氹佢開心,對方一定會感受到你嘅愛,關係就更加close吧!

LOAD MORE