港姐:認清真相,接受現實吧

By COSMO

Dear CG,

        CG你好,我一直都有段放唔低嘅感情,而呢段感情足足困擾咗我一年半有多。隨住時間嘅洗禮,我開始想忘記呢段咁耿耿於懷嘅感情,可惜我一直做唔到。

        前年年尾,E從加拿大嚟到香港工作,其實我早知E有呢個打算,我索性幫埋佢搵工作機會。我以為我可以同E發展,點知我發現E竟然仲有同佢喺加拿大嘅女朋友(即S)有聯絡。S仲喺Facebook叫E媽咪一聲「媽咪」,呢個稱呼令我好震驚。

        佢媽咪好了解S?定係E有同佢女朋友結婚嘅打算?就算真係有,佢兩個都冇最基本條件去結婚啦(當時佢兩個只係做intern)。咁我喺度諗,既然E愛佢女朋友,點解唔索性帶埋佢女朋友嚟香港?又或者留喺加拿大?不過如果E真係要帶埋S嚟香港嘅話,恐怕呢個係一個經濟負擔,亦都帶有啲法律上嘅問題。

        E係個意大利男人,喺加拿大讀書,我幫E搵工嗰陣時E已經大學畢業。佢女朋友S係韓國人,都係喺加拿大讀緊書,佢兩個都冇加拿大國籍。

       我曾經要求過兩人分手,但E嘅反應竟然就係block咗我,我好傷心,估唔到E竟然會咁樣對我。當時我仲深愛着E,但E就堅持一段根本冇將來嘅感情。E同佢女朋友喺幾個月後就分手,其實都係無可避免發生嘅事,只係睇幾時發生。老實講,點解E唔喺離開加拿大之前,又或者到達香港無幾耐,就同當時嘅女朋友S分手?點解係都要搞到我做第三者,做醜人?之後我一直都收埋自己,每次諗嘢嗰時我都諗起佢哋,我好抑鬱,亦都好想喊。

       幾個月後,我要求E當面向我解釋,佢不但拒絕,仲叫佢喺公司嘅同事同埋啲親朋戚友一齊 ignore 我。我記得我收到E一封email,叫我如果再做任何騷擾到佢身邊嘅人嘅行為嘅話,E就話會報警。E咁樣講好似我殺咗佢女朋友咁,我好傷心。俾一個我鍾意嘅男仔拒絕之餘,仲要叫佢周圍嘅人一齊拒絕我,排斥我。同時我心生不忿,雖然大家做唔到情人,但點解E要同我做仇人。

       我仲記得我收到佢email嗰陣時,淚如雨下,我從來都冇試過為感情而流淚,而嗰次係我第一次為感情而流淚。

       知道E唔再睬我之後,我就決定去搵個新情人,希望藉此可以忘記到呢段感情。但都只係搵到啲想同我發生性關係嘅男人,我好失望。雖然係呢段期間我鍾意咗個one night stand partner,但佢同時都只係純粹當我係one night stand partner。我曾經向佢表白,但佢似乎完全冇在意過我。隨時間流逝,我已經變得成熟,學識咗好多我之前唔知點處理嘅事,但係我仍然放唔低E,我承認我而家仲係好愛E。儘管我係想同另一位男士發展,但我唔想因為我心裏面放唔低E,影響到我同D嘅感情發展。

Christina

Christina:

恕我直言,整件事非常明顯地只是你從頭到尾在那一廂情願。

這段你所講的「感情」,投放了感情的根本只有你自己。對方到底是否很愛他的女友、為何不把女友一同帶來香港、為何不留在加拿大、與女友分手與否,全都與你毫無關係。因為無論如何,他就是不喜歡你。

對方對你的態度及行為已經非常清晰明確地表明了這個事實。只是你完全無視事實,自己不停幻想。

他根本從來都沒有愛過你。只有面對這個事實、承認這個事實,你才能夠放下。你要放下的其實不是E,而是你執迷不悟的自我幻想。

港姐

港姐(JPG)

 

港姐,一名八十後港女人格分裂而出現的角色,深信無論男女,人人心中都有一個開不了口的港女。虛構但真實、嘴賤但心軟。是悲觀的樂觀主義者、現實的浪漫主義者。不懂花言巧語,只知實話實說。

 

 

**如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!

LOAD MORE